37 Military Hospital
De 37 Military Hospital be specialist hospital wey dey insyd Accra,[1] wey dey de main road afta de Kotoka International Airport den de central Accra.[2] Ebe de largest military hospital insyd Ghana after Korle Bu Teaching Hospital. Dem name am 37 secof ebe de 37th military hospital wey dem build insyd de British colony of West Africa. De hospital sanso get sam popular story about sam bats wey neva left dema chief ein syd till he die. Dis bats still dey insyd de trees wey dey de road top around de hospital.
| Year dem found am | 1941  |
|---|---|
| Languages edey speak, rep anaa sign | English |
| Country | Ghana |
| Edey de administrative territorial entity insyd | Ayawaso East Municipal District |
| Ein location | Accra |
| Coordinate location | 5°35′19″N 0°11′0″W |
| Own by | government |
History
editDem build de hospital somewhere 1941 by one British military officer. Ein name be General George Giffard. He build de military hospital so say ego provide treatment for dema solja pipo wey go get wound for de Second World War insyd. Wey dis same man, Giffard sanso arrange de creation of de 52 Military Hospital insyd Takoradi wey de move am go India.[3] De hospital ein name at dis time na ebe No. 37 General Hospital; wey dem change am go 37 Military Hospital of de Gold Coast for 1956 insyd.[4] De hospital get chaw expansion wey dem open am for de public, but de main pipo wey dey job for der be soja men plus women.[2]
Facilities
editDe hospital get about 500 bed capa wey e sanso get 24-hour accident den emergency department plus pharmacy. x-ray machines too dey job 24 hours a day.[5] Oda departments get divisions wey dey see dental, gynecology, pediatrics cases.[2] Ein trauma-surgical department get hype by one influencer say "ebe de best for de whole Accra insyd".[5]
De hospital sanso dey serve as teaching hospital give undergraduate, post-graduate, EMT ,nurses plus medical students.[2]
Dem build de hospital for July 4, 1941, as de 37th facility by de allied forces.[6] From 1991 till today, de German company Hospital Engineering GmbH get chaw work e dey do in de phased development of de 37 Military Hospital wey e sanso be responsible for de maintenance of dema equipment:[7]
- Medical Oxygen Production den Distribution (1991/1992)
- Operating Theatre Block, wey dey include Central Sterilisation Department (1992/1993)
- Mortuary and Department of Morbid Anatomy (1995)
- Pharmacy (1998-2001)
- Laboratories, including Blood Bank (1998-2001)
- Functional Diagnostics Department (1998-2001)
- Burns Unit (1998-2001)
- Intensive Care Unit (1998-2001)
- VIP/Officers Ward (1998-2001)
- Rank Wards (1998-2001)
- Satellite Maternity Unit (1998-2001)
- Out-Patient-Department Planning Design, Architectural Drawings, Turnkey Construction (2004)
De departments wey de hospital get be:[8]
- Supermarkets/marts
- Accident & Emergency
- Dental Division
- Public Health Division
- Medical Division
- Obstetrics & Gynaecology
- Paediatric Division
- Pathology Division
- Pharmacy Division
- Radio Diagnosis, Radiography & X-ray
- Surgical Division
- Health Training Schools (NMTC, Anaesthesia, EMT)
- Renal Dialysis Unit[9]
- Ophthalmology Division
- Ear, Nose, and Throat Division
- Dermatology
References
edit- ↑ "37 Military Hospital commended for dedication during doctors strike". vibeghana.com. Retrieved 21 February 2014.
- ↑ 2.0 2.1 2.2 2.3 "37 Military Hospital Accra, Ghana". The Electives Network. Retrieved 1 March 2014.
- ↑ Addae, S. Kojo (2004). The Gold Coast And Achimota In The Second World War. Sedco. p. 74. ISBN 978-9964-72-249-4.
- ↑ Addae, S. Kojo (1997). The Evolution of Modern Medicine in a Developing Country: Ghana 1880-1960. Durham Academic Press. p. 111. ISBN 978-1-900838-05-4.
- ↑ 5.0 5.1 Briggs, Philip (2010). Ghana. Bradt Travel Guides. p. 132. ISBN 978-1-84162-325-2.
- ↑ Addo, Christabel (4 August 2016). "37 Military Hospital launches 75th anniversary celebrations". Ghana News Agency.
- ↑ "Hospital Engineering GmbH". www.hospital-engineering.de.
- ↑ "37 Military Hospital − Hospital description". Electives.net. Retrieved 2014-04-30.
- ↑ "GCB Bank commissions dialysis unit at 37 Military Hospital - citifmonline.com". citifmonline.com. 2018-03-20. Retrieved 2018-04-12.