African University College of Communications
De African University College of Communications be private tertiary institution at Adabraka, Accra, Ghana, for de study den teaching of journalism, communication studies, information technology convergence, business, African Studies, wey dey provide opportunities for advanced learning, den practical den professional training for de rapid growth den development of Africa.[1]
| Year dem found am | 2002, 2001  |
|---|---|
| Motto text | Discover Yourself From Here |
| Country | Ghana |
| Edey de administrative territorial entity insyd | Accra |
| Coordinate location | 5°33′29″N 0°12′42″W |
| Member of | Association of African Universities |
| Dema official website | https://www.aucc.edu.gh/ |
De varsity admit de first batch of Diploma students for ein Communication Studies programme insyd 2002, wey na dem formally accredit am as tertiary institution by de National Accreditation Board (NAB) of Ghana for 2004 insyd.
History
editNa de African University College of Communications be formerly known as de Africa Institute of Journalism & Communications (AIJC). De institution be private tertiary institution dem establish insyd 2002 by Kojo Yankah, former editor of Ghana ein widest circulation newspaper, de Daily Graphic, wey na he sanso serve nine years as Director of de Ghana Institute of Journalism, seven years as Minister of State, den eight years as Member of Parliament.
Insyd 2007, de institute receive anoda approval from de National Accreditation Board make dem offer Bachelor of Arts degree courses wey dem cam know as de African University College of Communications (AUCC) wey e cam turn de first varsity insyd Africa make dem offer journalism den communication studies as ein flagship. For 2010 insyd, dem san grant AUCC accreditation by NAB make dem offer Bachelor of Science degree courses insyd Business Administration. De School dey affiliate plus de University of Ghana for de award of ein degrees den plus de National Board for Technicians Examinations (NABPTEX) for de award of ein diplomas.[2]
Learning den research centres
editDe varsity establish several centres den institutions make dem offer opportunities for continuous learning to ein students as well as interested members of de general public. Dese dey include:
- Kwabena Nketia Centre for African Studies,
- Ama Ata Aidoo Centre for Creative Writing
- De Centre for Innovation and Creativity
- De Business Centre.[3]
Library
editDe Sam Quaicoe Library be de main library of de African University College of Communications wey dey locate for de ground floor of de AUCC campus main building. De library ein collections dey include about five thousand books, CD's, tapes den impressive holdings of rare books, prints den archives.[4] De library sanso dey prepare make dem offer access to extensive electronic resources.[4]
De Library be de nerve centre for academic work insyd de varsity. All academic related functions such as teaching, research den learning dey find dema support-base insyd de library, wer dem dey organise all types of documents for easy access to members of de varsity community.[4]
Awards den memberships
editDem rate AUCC as centre of excellence insyd media den communication studies by United Nations Educational, Scientific and Cultural Organization (UNESCO).
For March 2012 insyd, joint radio programme by Level 300 students of de African University College of Communications (AUCC) den dema counterparts insyd Simmons College for Boston insyd, USA, win de "Most Innovative Programming in College Radio" award for New York, USA insyd.
Affiliations
editDe African University College of Communications currently get de following affiliations plus dese varsities:
- University of Ghana, Legon Ghana
- University of Education, Winneba Ghana
- Ghana Institute of Management and Public Administration, Ghana.
- Clark Atlanta University, USA.
- Morehouse College, USA.
- De University of Maryland Eastern Shore, USA.
- Ohio University, USA.
- Howard University, USA.
- College of Bahamas, North America.
For addition, de AUCC be affiliate to institutions such as de UNESCO, World Bank, Mo Ibrahim Foundation, de Africa2Green International den de Voice of America (VOA).
De Business School of AUCC collaborate plus consultancy firm dem name Knowledge Innovations make dem equip professionals plus knowledge insyd FinTech by de use of online training.[5]
References
edit- ↑ Nature of Communication Program Archived 23 July 2013. aucc.edu.gh.
- ↑ Centre for African Studies. aucc.edu.gh.
- ↑ African University College of Communications: Faculties and courses Archived 22 July 2013 at the Wayback Machine. aucc.edu.gh.
- ↑ 4.0 4.1 4.2 African University College of Communications: Library Archived 22 July 2013 at the Wayback Machine. aucc.edu.gh.
- ↑ "AUCC, Knowledge Innovations to host first training course in Financial Technologies - MyJoyOnline.com". www.myjoyonline.com. Retrieved 19 May 2021.