Wikipedia

Agnes Kalibata

Rwandan agricultural scientist

Agnes Matilda Kalibata be Rwandan agricultural scientist wey san be policymaker, visionary leader den san be de presido give Alliance for a Green Revolution in Africa (AGRA).[1] Na she be Rwanda ein minister of agriculture den animal resources for 2008 to 2014 wey she begin ein tenure as presido give Alliance for a Green Revolution in Africa (AGRA) for 2014 insyd.[1] Dr. Kalibata serve as de Special Envoy give de UN Secretary-General.[2]

Agnes Kalibata
human
Ein sex anaa genderfemale Edit
Country wey e be citizenRwanda Edit
Name wey dem give amAgnes, Matilda Edit
Family nameKalibata Edit
Place dem born amRwanda Edit
Languages edey speak, rep anaa signEnglish Edit
Ein occupationagronomist, policymaker, chief executive officer Edit
EmployerAlliance for a Green Revolution in Africa Edit
Position eholdminister Edit
Educate forUniversity of Massachusetts Amherst, Makerere University, Makere University School of Public Health Edit
Affiliation stringAlliance for a Green Revolution in Africa (AGRA), Alliance for a Green Revolution in Africa Edit
Participant insydWorld Economic Forum Annual Meeting 2017, World Economic Forum Annual Meeting 2019, World Economic Forum Annual Meeting 2022, World Economic Forum Annual Meeting 2020 Edit
Award e receiveNAS Public Welfare Medal Edit

Ein Early life den education

edit

Dem born Kalibata for Rwanda insyd wey dem raise am as refugee for Uganda give parents wey be smallholders.[3] She earn ein bachelor's degree insyd entomology den biochemistry, wey she sanso get ein master's degree insyd agriculture, she get both for Makerere University for Uganda insyd.[4] She den earn ein Ph.D. insyd entomology for de University of Massachusetts Amherst.[1] After she graduate for 2005, she carry out ein research for de Kawanda Agricultural Research Institute plus de International Institute of Tropical Agriculture, she collaborate plus Uganda ein Makerere University den de University of Massachusetts.[1]

Ein Career

edit
 
Agnes Kalibata

Kalibata serve as Rwanda ein minister of agriculture den animal resources for 2008 to 2014.[1] Thru out ein tenure, na she promote de use of science-based approaches to agriculture so say dem go increase food production den sanso improve food security, wey na ein focus dey for de family farmers dema top.[1] She implement policies, wey dem design so say farmers go connect give dema neighbors den customers, she san implement cooperative farming programs, den cow-sharing programs wey go make things easier give families wey wan own cows.[5]

For de six years wey na she be minister, Rwanda ein poverty level drop more dan 50 percent; ein agricultural sector ein annual budget grow from under US$10 million to ova US$150 million; wey Rwanda cam turn de first country wey sign compact under de Comprehensive Africa Agriculture Development Programme (initiative of de African Union Commission).[1] Dem dey praise am for ein chaw accomplishments,[1] buh sam human rights groups criticize ein policies secof na she dey give financial support to farmers wey dey follow de government ein land consolidation policies per.[5]

For 2014 insyd, na she serve briefly as de University of Rwanda ein deputy vice chancellor for institutional advancement.[1]

She dey serve as presido give de Alliance for a Green Revolution in Africa (AGRA) since 2014,[6] ebe African-led organization wey dema mission be say dem go improve de food security den incomes of 30 million farming households for 11 African countries by 2021,[7] among oda things, she dey provide access to better seeds den credit.[1] She sanso dey for de board of de International Fertilizer Development Center den de administrative center of Anand, Gujarat.[8]

Kalibata hold multiple roles for MINAGRI, Rwanda ein Ministry of Agriculture den Animal Resources; na dem appoint am permanent secretary of de ministry for 2006 insyd. Minister of State wey dey in Charge of Agriculture for 2008 insyd, then dem appoint am full Minister of Agriculture and Animal Resources for 2009 insyd.[9][10] She sanso hold chaw oda positions wey dey include chair of de board of de Institute of Agriculture den Animal Husbandry den chair of de Rwanda ein National Clinical Research Center.[11] She serve for de International Food Policy Research Institute's Advisory Council wey she manage World Bank project for Rwanda insyd.[11]

Kalibata be member for de International Fertilizer Development Center (IDFC) ein board of directors since 2008, where she dey chair de board ein Africa Committee wey she sanso be member for dema executive den audit committees.[4] She sanso be member give chaw national den international boards wey dey include de University of Rwanda, Africa Risk Capacity, de World Economic Forum ein Global Agenda Council, de Global Commission on Adaptation den de Malabo Montpellier Panel of Agriculture den Food Security Experts.[1]

For 2019 insyd, United Nations Secretary-General António Guterres appoint Kalibata as ein special envoy give de 2021 Food Systems Summit.[12]

Ein Political positions

edit
 
Agnes Kalibata

Kalibata be instrumental in advocating for gender equality for Rwanda insyd, she dey emphasize for de economic benefits wey dey encourage women to play more public role for society insyd as Rwanda dey recover from de 1994 Rwandan genocide wey kill 800,000 people for three months insyd den lef Rwanda ein population for 60% female.[13][14]

Ein Honors den awards

edit

For 2012 insyd, dem award Kalibata de Yara Prize (now dem dey bell am de Africa Food Prize), wey dey recognize outstanding individual anaa institution wey dey lead effort wey go change de reality of farming for Africa insyd.[1]

For 2018, de University of Liege, Belgium award am honorary doctorate for distinguished leadership (2018).[1]

Na she sanso be de receiver of de 2019 NAS Public Welfare Medal: wey de National Academies of Sciences dey describe as dema most prestigious award, dem dey award dis medal annually to scientist wey dey use science for de public good.[1]

References

edit
  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 "Agnes Kalibata". nasonline.org. Retrieved 2019-02-02.
  2. ↑ "Dr. Agnes Kalibata - AGRA". 2023-06-06. Retrieved 2024-03-08.
  3. ↑ Agnes Kalibata (Feb 15, 2016). "Small holders Front and Center". medium.com.
  4. ↑ 4.0 4.1 "Dr. Agnes M. Kalibata". IFDC. 2015-02-13. Archived from the original on 2015-07-19. Retrieved 2019-02-10.
  5. ↑ 5.0 5.1 says, Edward Kelley (2013-10-11). "Rwanda's Ag Minister: Agnes Matilda Kalibata". Modern Farmer. Retrieved 2019-02-02.
  6. ↑ "Dr. Agnes Kalibata". AGRA. Retrieved 2019-02-10.
  7. ↑ "Our Story". AGRA. Archived from the original on 2019-07-17. Retrieved 2019-02-10.
  8. ↑ "Agnes Kalibata". bloomberg.com. Retrieved 2019-12-16.
  9. ↑ Alexandre, Kayitare. "DR AGNES KALIBATA IS AWARDED YARA PRIZE FOR HAVING PROMOTED FOOD SECURITY IN RWANDA" (PDF). MINAGRI Weekly Flash News. Archived from the original (PDF) on 2016-05-28. Retrieved 2019-02-13.
  10. ↑ "Prize Laureates". 2019-01-14. Retrieved 2020-04-02.
  11. ↑ 11.0 11.1 "Agnes M. Kalibata". African Development Bank. Archived from the original on 2016-11-21. Retrieved 2019-02-10.
  12. ↑ "Ms. Agnes Kalibata of Rwanda - Special Envoy for 2021 Food Systems Summit | United Nations Secretary-General". www.un.org. Retrieved 2024-03-13.
  13. ↑ Taylor, Katy (2008-05-21). "Africa news round-up – 21.5.08". The Guardian. ISSN 0261-3077. Retrieved 2019-02-02.
  14. ↑ Anthony Faiola (19 May 2008). "Women pave way for Rwanda's revival". thestar.com. Retrieved 2019-02-02.
Dem retrieve am from "https://gpe.wikipedia.org/w/index.php?title=Agnes_Kalibata&oldid=28522"