Wikipedia

Akua Sena Dansua

Ghanaian politician

Akua Sena Dansua (dem born am 23 April 1958) be experienced Ghanaian media den communications consultant, politician den governance den leadership practitioner.[1][2] Na she sanso be de Member of Parliament give North Dayi for Ghana den former Ambassador of Ghana give Germany.[1][3]

Akua Dansua
human
Ein sex anaa genderfemale Edit
Country wey e be citizenGhana Edit
Name wey dem give amAkua Edit
Family nameDânsu Edit
Ein date of birth23 April 1958 Edit
Place dem born amHohoe Edit
Languages edey speak, rep anaa signEnglish Edit
Ein occupationjournalist, politician, diplomat Edit
Position eholdMember of the 5th Parliament of the 4th Republic of Ghana, Member of the 4th Parliament of the 4th Republic of Ghana, Member of the 3rd Parliament of the 4th Republic of Ghana, Minister for Youth and Sports, ambassador of Ghana to Germany Edit
Educate forUniversity of Ghana, University of Media, Arts and Communication, Mawuli School, Ghana Institute of Management and Public Administration Edit
Work locationAccra Edit
Political party ein memberNational Democratic Congress Edit
Religion anaa worldviewEastern Orthodoxy Edit

Ein Early life den education

edit
 
H.E Akua Sena Dansua

Dem born for Hohoe for de Hohoe Municipal District wey dey Volta Region on 23 April 1958. Ein family dey comot Botoku, wey dey Volta Region insyd. She start ein primary education for de Kadjebi-Akan Local Authority Experimental Primary plus Middle School. Wey she go ein secondary school for Mawuli School wey dey Ho insyd, de town wey be de capital give Volta Region.[2]

She train as journalist for de Ghana Institute of Journalism for Accra insyd.[2] Dansua san be postgraduate student of Communication Studies for de University of Ghana wey dey Legon, wey she plet for1990 insyd.[4] She sanso get master's degree in Governance plus Leadership for de Ghana Institute of Management and Public Administration.[2][5]

Ein Career

edit

Na Akua Dansua be Electoral Assistant give de Electoral Commission of Ghana for 1979 den 1980. For 1983 go 1987 insyd, na she be de Chief Reporter give de Nigerian Reporter newspaper.[1]

She sana work give de Weekly Spectator newspaper for Accra, Ghana as journalist, eventually she na come be de Features Editor give de paper.[2]

She hold dis position til she move enter politics insyd. She sanso serve as Technical Advisor give de National Council give Women and Development plus Media Consultant give de United Nations Development Programme (UNDP).[2]

She be de chairperson give de Advocates for Gender plus Development Initiatives-Ghana, wey be NGO for Kpando den board member give Africa in Democracy and Good Governance (ADG) for insyd The Gambia.[6]

Politics

edit

Dansua be member for de National Democratic Congress (NDC). Dem appoint am District Chief Executive give Kpando Provisional National Defence Council[1] government of Jerry Rawlings insyd. She first enter parliament for 2001 MP give North Dayi dema constituency. She later rise cam turn Minister of Women and Children's Affairs, Youth and Sports den later Tourism.[1] She attribute ein success give clamping down Visa racketeering processes during ein tenure as Minister for Youth and sports.[7]

Member of Parliament

edit

Dansua serve as member of parliament for de 3rd, 4th plus 5th parliaments give de 4th Republic of Ghana komot January 2001 go January 2013 insyd.[8] for ein role insyd as parliamentarian, na she sana undertake special assignments as member give de Commonwealth Observer Team give The Gambia Presidential election for 2006 den member give Ghana's Parliamentary delegation give de 37th African conference give de Commonwealth Parliamentary Association, Abuja, Nigeria.[2][6]

2000 Elections

edit

Dem elect Dansua as member of parliament give North Dayi constituency for de 2000 Ghanaian general elections.[9] Na she win de elections for de National Democratic Congress dema Ticket undy.[9]

Na ein constituency dey mong de 17 parliamentary seats comot de 19 seats insyd wey de National Democratic Congress win for de election give de Volta Region.[10][11][12] Na de National Democratic Congress win minority total of 92 parliamentary seats komot 200 seats for de 3rd parliament give de 4th republic of Ghana.[10]

Dem elect plus 23,962 votes komot 32,785 total valid votes wey dem cast. Na dis be equal to 73.8% for de total valid votes wey dem cast.[9] Dem elect am over Thomas A.K.M. Ntumy wey dey komot de Convention People's Party, Seth A. Akwensivie wey dey komot New Patriotic Party, Adolf Agbpdza wey dey komot United Ghana Movement den Augustine Yawo Adjei wey comot National Reformed Party.[9]

Dem get 6,175, 1,161, 805 den 352 votes respectively komot de total valid votes wey dem cast. Na dis be equal to 19%, 3.6%, 2.5 plus 1.1% respectively komot de total valid votes wey dem cast.[9]

Minister of state

edit

She first cam turn minister of state for 2009 as na dem appoint am Minister for Women plus Children's Affairs by Presido John Evans Atta Mills.[13] She work give dat role for almost one year for February 2009 go January 2010.[1]

She later cam turn de first female Minister for Youth and Sports[14] after dem reshuffle de cabinet January 2010 den Minister for Tourism for 4 January 2011.[15] For January 2011, after sey she serve for a year as Minister give Youth and Sports, dem sana appoint am Minister for Tourism, wey she replace Zita Okaikoi.[16][17]

Ambassador

edit
 
Akua Sena Dansua

Presido John Dramani Mahama appoint Dansua make she serve as Ambassador of Ghana give Germany for May 2014.[18][19][20] She work for dat role wey na she dey promote de Ghanaian Tourism sector, wey she dey seek de welfare of Ghanaians for Germany wey dey foster good relationship plus de German government til January 2017.[19][20][21] Na she sanso be de Ambassador of Ghana give Latvia.[22] She assume ein role as non-resident Ambassador give de Republic of Ghana to Latvia wey still dey work as Ambassador give Germany for 10 March 2015.[22]

Ein Professional associations den boards

edit

Dansua be member give several civic, social plus non-governmental agencies den organizations. She sana be member give de African Women Development Fund (AWDF) wey na she be chairperson give de West Africa Media Network (WAMNET).[2] She sana serve as vice-president give de Association of Women give de Media (ASWIM) Ghana. As she dey work as journalist she sanso serve as executive member give de Parliamentary Press Corps.[2]

Dansua served as member for de Evangelical Presbyterian (EP) University College Council for 2005.[2]

Na she join UNITE Parliamentarian network wey be network Ricardo Leite dey head so sey ego study de causes for global health.

Ein Awards den recognition

edit

De Women's Law and Human Rights Institute of the Art Foundation recognise am for ein leadership role give de development of women den ein role as women's activist give Ghana.[6] As na Dansua be full-time journalist na she claim number of fellowship den scholarship awards, among dem be de Dag Hammarskjold fellowship wey United Nations Correspondents Association give am for 1991 as de promising journalist wey komot Africa insyd. Dem sana give am rare opportunity so sey she go attend de 46th UN General Assembly session for New York for 1991 as ein prize.[2][6]

Ein life matter

edit

Dansua divorce for ein marriage plus three kiddies. She be Christian wey dey go church for Evangelical Presbyterian.[1][8] For ein leisure time she dey enjoy doing social work, listening to music, reading plus having open discussions.She san dey love love browsing the internet.[6]

References

edit
  1. ↑ 1.0 1.1 1.2 1.3 1.4 1.5 1.6 "Akua Sena Dansua Biography | Profile | Ghana". peacefmonline. Retrieved 2 August 2020.
  2. ↑ 2.00 2.01 2.02 2.03 2.04 2.05 2.06 2.07 2.08 2.09 2.10 "Akua Sena Dansua". Biography. Peace Fm Online. Archived from the original on 19 April 2010. Retrieved 28 April 2010.
  3. ↑ "Sena Dansua touts her achievements as MP for North Dayi". MyJoyOnline. 12 February 2012. Retrieved 2 August 2020.
  4. ↑ "Hon. Akua Sena Dansua (NDC) (North Dayi)". Members Of Parliament » Profile. Ghana Home Page. Archived from the original on 28 September 2011. Retrieved 26 January 2010.
  5. ↑ "Akua Sena Dansua". ghanaweb. Retrieved 2 August 2020.
  6. ↑ 6.0 6.1 6.2 6.3 6.4 "Akua Sena Dansua, Former Minister for Tourism". Ghanaweb. Retrieved 8 April 2020.
  7. ↑ "Modern Ghana". Modern Ghana.
  8. ↑ 8.0 8.1 "Ghana MPs - MP Details - Dansua, Akua Sena (Ms)". Ghana MPs. Retrieved 2 August 2020.
  9. ↑ 9.0 9.1 9.2 9.3 9.4 Electoral Commission of Ghana -Parliamentary Result-Election 2000. Ghana: Friedrich Ebert Stiftung. 2007. p. 56.
  10. ↑ 10.0 10.1 "Statistics of Presidential and Parliamentary Election Results". Fact Check Ghana. 10 August 2016. Retrieved 1 September 2020.
  11. ↑ "Ghana Parliamentary Chamber: Parliament Elections held in 1992". Archived from the original on 19 February 2020. Retrieved 3 September 2020.
  12. ↑ FM, Peace. "Ghana Election 2000 Results - Volta Region". Ghana Elections - Peace FM. Retrieved 1 September 2020.
  13. ↑ "Women, advertisements and Akua Dansua Sena's beef". Modern Ghana. Retrieved 2 August 2020.
  14. ↑ "Ghana calls for Fifa rule change". BBC News. 7 July 2010. Retrieved 2 August 2020.
  15. ↑ "Reshuffle Blues: Sena Dansua Heads Sports Ministry". General News of Tuesday, 26 January 2010. Ghana Home Page. Archived from the original on 29 January 2010. Retrieved 26 January 2010.
  16. ↑ "Cabinet reshuffle: Zita dropped, Betty for education". Ghana Home Page. 4 January 2011. Retrieved 7 February 2011.
  17. ↑ Dogbevi, Emmanuel (16 November 2012). "Free SHS possible only at expense of other sectors – Sena Dansua". Ghana Business News. Retrieved 2 August 2020.
  18. ↑ Daily Guide (19 May 2014). "5 Envoys Get Postings". Modern Ghana. Retrieved 29 January 2021.
  19. ↑ 19.0 19.1 "The Ghanaian Community Leaders In Germany Meet With New Ambassador". Modern Ghana. Retrieved 29 January 2021.
  20. ↑ 20.0 20.1 ANA (4 July 2014). "Ghana's Ambassador to Germany Presents Letters of Accreditation in Berlin | AfricaNewsAnalysis". Retrieved 29 January 2021.
  21. ↑ "WATCH: Wiyaala meets Ghana's Ambassador to Germany Akua Sena Dansua at Kenako Festival in Berlin". YFM Ghana. 22 June 2016. Retrieved 2 August 2020.
  22. ↑ 22.0 22.1 "The State Secretary and the Ambassador of Ghana sign a Memorandum of Understanding on political consultations". Ministry of Foreign Affairs of the Republic of Latvia. 17 November 2015. Retrieved 3 August 2020.
edit
Dem retrieve am from "https://gpe.wikipedia.org/w/index.php?title=Akua_Sena_Dansua&oldid=45942"