American International University West Africa

American International University West Africa dem establish The Gambia campus for January 2011 insyd Serekunda. De varsity dey offer medical program wey dey lead to Doctor of Medicine (MD) Degree. De curriculum dey base for American Medical Schools systems top. De varsity be open to students from Africa. AIU Health Science Center dey consist of 5 colleges: College of Medicine (6 year Program), College of Dentistry (5 year program), College of Pharmacy (5 year program), College of Nursing (3 year program), College of Health Professionals: MLT (2 year program). AIUWA dey admit students three times year. De first campus dey locate for 89 Kairaba Avenue, KSMD, Fajara, The Gambia. 201 students from 14 countries enroll for 2013 insyd. Fresh campus dem construct for Kanifing Institutional Area. 120,000 square foot campus dey house State of Art classrooms, Laboratories, Library, Conference rooms den oda Students facilities. Construction of de fresh campus start for April 2013 insyd wey dem plete am by end of 2016. Since then e graduate high numbers of Nurses wey dey help de Health sector of de county for various parts den most of de graduates dey out of de country for further educations (such as Masters) anaa dem dey job plus International Organizations such as WHO, UN MRC. although large number of de students dey de school insyd, popularly known as AIUWA be international students, most dey do well for dema countries. National Accreditation and Quality Assurance Agency (NAQAA) accredit de school wey na dem establish am insyd 2015. AIUWA be great place make you be wey most of de Lecturers for de school insyd be Professors, PhDs den Masters holders.

American International University West Africa

university

Year dem found am	2011
Country	Gambia
Edey de administrative territorial entity insyd	Greater Banjul Area
Coordinate location	13°27′48″N 16°40′26″W
Member of	Open Source Initiative, Association of African Universities
Dema official website	http://www.aiu.edu.gm/