Ana Paula dos Santos
Ana Paula Cristovão Lemos dos Santos ([ˈɐnɐ ˈpawlɐ ðuʃ ˈsɐ̃tuʃ]; wey dem born 17 October 1963) be widow give de former presido of Angola, José Eduardo dos Santos. She serve as Angola ein First lady for 1991 go 2017.
| Ein sex anaa gender | female  |
|---|---|
| Country wey e be citizen | Angola |
| Name wey dem give am | Ana, Paula |
| Family name | dos Santos |
| Ein date of birth | 17 October 1963 |
| Place dem born am | Luanda |
| Spouse | José Eduardo dos Santos |
| Languages edey speak, rep anaa sign | Portuguese |
| Ein occupation | model, flight attendant |
| Position ehold | First Lady of Angola |
| Educate for | Agostinho Neto University |
| Political party ein member | People's Movement for the Liberation of Angola |
She be former fashion model den air hostess give de Angolan presidential aircraft, dos Santos meet ein husby for de tym na she dey work for de presidential flights. Dem marry for 17 May 1991 wey dem get three kiddies, Eduane Danilo dos Santos (dem born 29 September 1991), Joseana dos Santos (dem born 5 April 1995) den Eduardo Breno dos Santos (dem born 2 October 1998).[1] For 1990 den 1994 dema middle, she plete state teacher training for de National Institute of Education, Luanda. Later wey she sana plete course for law insyd for de Faculty of Law insyd Agostinho Neto University.
Some bro wey be diplomat describe de president den ein first lady as: "handsome couple, elegantly den expensively dressed, wey dey look for all de world as sey dem dey live for southern California."[2] For 1997 insyd, na Ana Paula undiplomatically announce say ein five-year-old son go enroll for de Portuguese school for Luanda secof de "bad quality" for state education (wey chaw manners dey hold ein husby responsible). She sana try say she go make dem feel ein presence for administrative matters; dis move wey she make irritate political mainstream. Ein business interests wey be particulary diamonds sanso dey under fire.
Dos Santos be patron give de Committee so say dem go support rural women (COMUR), she dey support plus micro-credit funds. She represent ein country for de Micro-credit Summit give Heads of States and Governments for Washington, D.C., for 1997 insyd.
Dos Santos sanso be very active for ein support give landmine victims. She found de Lwini Foundation for social solidarity wey she dey dedicate am support civilians, particularly women plus kiddies.[3]
References
edit- ↑ "Ana Paula dos Santos (in Portuguese)". CLUB K. 27 October 2009. Retrieved 30 March 2024.
- ↑ "Ana Paula Dos Santos | Who's Who Profile | Africa Confidential". www.africa-confidential.com. Retrieved 2017-07-10.
- ↑ "Founding members of Lwini Fund (in Portuguese)". lwini.og.ao. 12 March 2009. Archived from the original on 12 March 2009. Retrieved 30 March 2024.