Catholic University of Malawi
De Catholic University of Malawi be fast-growing institution of higher learning de National Council for Higher Education (NCHE) accredit am make e offer Degrees, Diplomas, den Certificates. Na dem establish am by de Episcopal Conference of Malawi for October 16, 2004, wey dem officially open ein doors for 2006 insyd. De varsity get seven faculties, namely Education, Law, Theology, Social Sciences, Science, Commerce den, Nursing den Midwifery.[1][2][3]
| Year dem found am | 2004  |
|---|---|
| Country | Malawi |
| Edey de administrative territorial entity insyd | Blantyre |
| Coordinate location | 15°49′35″S 35°10′35″E |
| Dema official website | https://www.cunima.ac.mw/ |
| Motto | Gaudium de Veritate |
|---|---|
Motto in English
|
Joy About the Truth |
| Established | October 16, 2004 |
Religious affiliation
|
Catholic Church |
Academic affiliations
|
|
| Chairmo | Most Rev.Thomas Luke Msusa |
| Chancellor | Most Rev.George Desmond Tambala |
| Vice-Chancellor | Associate Prof. Ruth Ngeyi Kanyongolo |
Total staff
|
170+ |
| Students | 6000+ |
| Postgraduates | 12 |
| Location | Nguludi, Chiradzulu District , Malawi 15°49′35″S 35°10′35″E / 15.8263°S 35.1765°E |
| Colours | Blue, white, yellow & red |
| Website | www.cunima.ac.mw |
De Catholic Church involve for education insyd Malawi for over hundred years. Na dem establish ein first school for 2 February 1902 for Nzama insyd Ntcheu District by three Montfort Missionaries: Fr. Pierre Bourget SMM (Superior), Fr. Augustine Prezeau SMM (wey later cam turn de first Apostolic Prefect of Shire) den Fr. Anton Winnen SMM, wey be in charge of de first Catholic primary school insyd de country wich na he use to call ‘De University of Nzama’. De ‘varsity’ start plus eight students – men, women, den kiddies aged between six den sixty years.
In spite of chaw setbacks, by de late 1950s, de Catholic Church run 1249 of de 2884 primary schools insyd Nyasaland (Malawi), den of de 24 grant-aided secondary schools den teacher training colleges, de Catholic Church run 13. Just as de Church ein achievements at primary school level necessitate de establishment of Catholic secondary schools insyd de fifties, ein achievements at de secondary school level call for de establishment of Catholic University.
Ebe against dis background dat for 15 September 2004, de Bishops send de chairperson for Education make he meet de then Minister of Education to, among oda things, alert am about de Episcopal Conference of Malawi ein intention make e request de FIC Brothers make dem turn Montfort Teachers Training College go Catholic University.
De then Minister of Education, Hon. Yusuf Mwawa, warmly welcome de idea. For addition, he biz de then Principal Secretary for Education (Dr S.A. Hau) make he arrange say one anaa two officers be include insyd de taskforce of de Catholic University make dem assist for de establishment of de varsity. Na dem indeed do am wey dem attend number of task force meetings by representative of de Principal Secretary. For partnership plus de Malawi Government, thru de Ministry of Education, for 28 October 2006, de State Presido, late professor Bingu wa Mutharika officially gbele de Catholic University of Malawi.
Since then, student enrolment increase steadily from 129 to 4,000 plus students by 2020. Dem accredit de varsity insyd January 2009. For seven years of ein existence, CUNIMA officiate nineteen graduations. De varsity dey into affiliation agreement plus de Inter Congregational Institute (ICI), den affiliation plus oda institutions of higher learning namely, Kachebere den St Peter's Major Seminaries.
References
edit- ↑ "Malawi Catholic University's law programme accredited". Luke Bisani. Malawi24. 7 October 2021. Retrieved 11 October 2021.
- ↑ "AFRICA/MALAWI - Catholic University donates medical devices to the Nguludi Mission Hospital". Fides. 18 September 2021. Retrieved 11 October 2021.
- ↑ "AFRICA/MALAWI - Students of the Catholic University engaged in research programs and development aid". Fides. 12 June 2021. Retrieved 11 October 2021.