Cephas Yao Agbemenu
Cephas Yao Agbemenu (born 29 May 1951) be Ghanaian sculptor, den educator. He be art professor wey dey teach at de Kenyatta University insyd Nairobi, Kenya. He be sculptor den a traditional African wood carver, wey dey see parallels between ein carvings den life.
| Ein sex anaa gender | male  |
|---|---|
| Country wey e be citizen | Ghana |
| Name wey dem give am | Cephas |
| Family name | Agbemenu |
| Ein date of birth | 29 May 1951 |
| Place dem born am | Leklebi |
| Languages edey speak, rep anaa sign | English, Ewe |
| Ein occupation | artist, sculptor, art educator |
| Employer | Kenyatta University, Kwame Nkrumah University of Science and Technology |
| Educate for | Kpando Secondary School, Kwame Nkrumah University of Science and Technology, University at Buffalo |
| Award e receive | Fulbright Scholarship |
| Copyright status as creator | works protected by copyrights |
Biography
editNa dem born Cephas Yao Agbemenu for 29 May 1951 insyd Leklebi-Kame, insyd de Volta Region of Ghana, West Africa.
He grow up insyd Ghana, dey go to school wer art den crafts lessons be a part of de curriculum. He sanso learn farming, backyard gardening, fishing, trapping den hunting. All dey require good coordination den visual abilities so say he go plete those tasks.
Agbemenu go on to Secondary School at Evangelical Presbyterian Secondary School insyd Hohoe, Volta Region, wer na he take ein Ordinary-Level School Certificate insyd Art, English Language, Ewe Language, Maths, General Science, Principles of Accounts, Geography.
He then attend Kpandu Secondary School, Volta Region. He plete dis program plus Advanced-Level School Certificate, ein major subjects be Art, Economics, Geography, General Studies insyd de year of 1972.
Insyd June 1976 he plete a bachelor's degree insyd Fine Art plus First Class Honours at de Kwame Nkrumah University of Science and Technology, Kumasi, Ghana, wey he major insyd Sculpture, Painting, Art History, English Literature, Art Appreciation den African Studies.
Agbemenu then obtain ein Master of Fine Arts Degree from de University at Buffalo, The State University of New York|State University of New York at Buffalo]] (February 1980).[1] Na ein major subject be Sculpture, wey dey include Wood Carving, P.O.P, Concrete den Bronze casting, plus Painting, Drawing den Art History as ein minors.
Teaching den career
editAgbemenu start dey teach at de Kwame Nkrumah University of Science and Technology insyd 1977 plus Art, Sculpture den Drawing. Na he teach African Art, Sculpture, Black History insyd global perspective insyd chaw different countries, along plus Ceramics, African History, Culture European Art History den African Carvings.
Insyd 1987 he start as a Senior Lecturer insyd de Department of Fine Art, Kenyatta University, Nairobi, Kenya.[2]
Lecturing: Contemporary African Art; Sculpture den traditional African Wood carving.
African proverbs
editNa Agbemenu be member of den contributor to de African Proverbs, Stories den Sayings Committee chair by Father Joseph Healey dem found insyd Nairobi, Kenya. Insyd June 2008 na dem award Professor Agbemenu a grant make he compile a booklet of 100 EWE Ghana Proverbs[3] plus African Symbols as illustrations of de proverbs, dem translate into English. Na dem publish de work for de www.afriprov.org website top. De Theme of "Reconciliation and Peace".[4]
Na dem publish A Collection of EWE Proverbs plus illustrations den translations by Cephas Yao Agbemenu for 1 November 2010.[5]
References
edit- ↑ "Welcome to the University at Buffalo – University at Buffalo". buffalo.edu (in English). Retrieved 2018-04-19.
- ↑ Kenyatta University, Nairobi, Kenya Archived 17 August 2010 at the Wayback Machine. Retrieved 15 June 2010
- ↑ Proverbs Notes Archived 6 July 2010 at the Wayback Machine. Retrieved 24 May 2010.
- ↑ Reconciliation and Peace Archived 18 August 2016 at the Wayback Machine. Retrieved 2 June 2010.
- ↑ A Collection Of Ewe Proverbs, Cephas Yao Agbemenu. Retrieved 8 November 2010.
External links
editWikimedia Commons get media wey relate to Cephas Yao Agbemenu.
- Tullio DeSantis, "The Universal Language", Readingeagle ARTology, 23 February 2010. Reading Eagle
- Cephas Yao Agbemenu Information. Retrieved 25 May 2010