Wikipedia

Chris Tsui Hesse

Ghanaian cinematographer den filmmaker

Christian Tsui Hesse, wey chaw manas know am as Chris Hesse (born 29 August 1932) be Ghanaian cinematographer, filmmaker, film administrator, photographer[1] den Presbyterian pastor wey be famous for ein cinematography work for plenty award-winning films, like de one wey people praise well well, Love Brewed in de African Pot (1980) den Heritage Africa (1989).[2] He be de personal cameraman give Ghana first Presido, Dr Kwame Nkrumah. Chris Hesse help take picture of de history of Ghana politics den how de country grow. Ein sanso work for United Nations, take picture of de crisis for Congo for 1960.[3]

Chris Tsui Hesse
human
Ein sex anaa gendermale Edit
Country wey e be citizenGhana Edit
Name wey dem give amChris Edit
Ein date of birth29 August 1932 Edit
Place dem born amOsu Edit
Languages edey speak, rep anaa signEnglish Edit
Ein occupationcinematographer, military personnel, civil servant Edit
Educate forUniversity of Southern California, University of Paris, National Film School in Łódź, Salem School, Osu, Odorgonno Senior High School Edit
Work period (start)1954 Edit

Ein Early life plus education

edit

Chris Tsui Hesse born for 29 August 1932 for Osu, Accra. He attend Salem School, de all-boys' Presbyterian boarding school, den Odorgonno Secondary School, wey he get Cambridge Overseas Certificate for 1954. Same year, he start work for Ghana Film Industry Corporation (GFIC). He go National Film School for Łódź, Poland, wey he fini for 1960. He sanso get post-graduate certificate for Film and TV Arts from University of Sorbonne for Paris. Ein other academic credentials be Bachelor of Divinity (1985) den PhD (1989) for Film and Arts, wey he get from University of Southern California for California.

Ein Career

edit

Chris Hesse work give film industry for 40 years, from 1954 go 1994. He start for Gold Coast Film Unit, wey later cam turn Ghana Film Industry Corporation. He work on one famous film, "The Boy Kumasenu" (1952), wey get nominate for big award wey British director Sean Graham direct am.[4] He rise up to become de managing director of Ghana Film Industry Corporation for 10 years, till he retire from government work for 1994.[5] Chris Hesse get plenty experience for film production, wey dey include he be de head of News Department for GFIC for ten years (1974-1984), wey he produce plenty newsreels, magazines, adverts, den short documentaries, some of dem win international awards. He win Golden Camera Award (First Prize insyd Cinematography for Africa) for Pan African Film Festival for Ouagadougou, Burkina Faso (FESPACO) for 1985. He be de director of photography for Kwaw Ansah ein award-winning films Love Brewed in de African Pot (1980) den Heritage Africa (1989). He sanso be de director of photography for filmmaker Ato Yanney Snr. ein His Majesty's Sergeant (1984).[6] He sana travel go plenty places around de world, dey film conferences for UN, Commonwealth, OAU, Non-Aligned Movement, visits of Heads of State, den various international seminars.[7]

Chris Hesse be de first war cameraman wey shoot film on Congo Crisis for 1960, for worldwide distribution, as Honorary Captain for Peace Keeping Force for 1960. From pre-colonial to post-independent Ghana (1956-1966), he be official cinematographer to Kwame Nkrumah (1956-1966), den sanso to subsequent Heads of State, like J. A. Ankrah, A. A. Afrifa, K. A. Busia, I. K. Acheampong, Fred Akuffo, Hilla Liman, den J. J. Rawlings.

He cam turn pastor for Presbyterian Church of Ghana for 1985, wey he serve for plenty churches. He sanso cam turn de boss of Prisons Ministry of Ghana. Chris Hesse marry Regina Hesse (wey be retired officer for Bank of Ghana) since 1959, wey dem get five kiddies den grand kiddies. He like play lawn tennis, jog, cycle, den do yoga. He fi speak English, French, Ga, den Twi well well.

For 2014, dem honour Chris Hesse for ein big contributions to cinema den Ghana at de 3rd NAFTI Film Lectures on Motion Picture Industry, wey dem focus for ein work as cinematographer, film director den documentary photographer.[8] Chris Hesse be one of de people wey dey call for de government to pass de film bill, wey go help put proper structures den systems for de film industry.[9] Chris Tsui Hesse be founding member den former Presido give de Ghana Academy of Film and Television Arts (GAFTA).[10] For 2017, dem honour Chris Hesse at de National Film and Television Institute Awards night for Accra.[11][12]

Filmography

edit
  • The Boy Kumasenu (1952)
  • Progress in Kodjokrom (1953)
  • Mr Mensah Builds a House (1956)
  • Beyond the Volta (1956)
  • Plebiscite of Togoland (1957)
  • Freedom for Ghana (1957)
  • Operation Congo (1960)
  • Love Brewed in the African Pot (1980)
  • His Majesty's Sergeant (1984)
  • Heritage Africa (1989)
  • Harvest at 17 (1994)
  • Cross Road of People, Cross of Trade (1994)

References

edit
  1. ↑ "Video: Nkrumah's photographer tells his story on PM Express' Personality Profile". myjoyonline.com. Retrieved 22 February 2020.
  2. ↑ "The Award Ceremony for the 2013–2014 Lectures takes place on June 20, 2014". nafti.edu.gh. Archived from the original on 14 August 2014. Retrieved 26 February 2015.
  3. ↑ http://www.graphic.com.gh/news/general-news/25901-nafti-honours-rev-dr-chris-hesse.html
  4. ↑ "BAFTA Awards". bafta.org. Archived from the original on 5 March 2016. Retrieved 26 February 2015.
  5. ↑ "The Award Ceremony for the 2013–2014 Lectures takes place on June 20, 2014". nafti.edu.gh. Archived from the original on 14 August 2014. Retrieved 26 February 2015.
  6. ↑ Yanney, Ato. ""His Majesty's Sergeant" Out Finally". www.modernghana.com. Retrieved 26 February 2015.
  7. ↑ "The Award Ceremony for the 2013–2014 Lectures takes place on June 20, 2014". nafti.edu.gh. Archived from the original on 14 August 2014. Retrieved 26 February 2015.
  8. ↑ "NAFTI honours Rev Dr Chris Hesse". graphic.com.gh. 25 June 2014. Archived from the original on 26 February 2015. Retrieved 26 February 2015.
  9. ↑ "The Industry needs a film bill – Chris Hesse". www.vibeghana.com. Retrieved 26 February 2015.
  10. ↑ http://www.m.modernghana.com/news/345042/1/sale-of-gfic-affected-film-industry-rev-chris-hesse.html
  11. ↑ Amponsah, Charles. "Outstanding film makers in Ghana honoured". gbcghana.com. Retrieved 22 February 2020.
  12. ↑ Africa, Daily Guide (25 June 2014). "Ghana Film Industry Receives Boost". Retrieved 22 February 2020.
Dem retrieve am from "https://gpe.wikipedia.org/w/index.php?title=Chris_Tsui_Hesse&oldid=39224"