Climate change in Ghana
Climate change for Ghana insyd dey impact de people insyd Ghana for several ways as de country dey tap for de connection of de three hydro-climatic zones top.[1] Changes insyd rainfall, weather conditions den sea-level rise[2] go affect de salt wey dey de coastal waters insyd. Dem dey expect say dis go affect both farming den fisheries.[3] Low rainfall, drought den wild fires sanso be sam major effects wey dem associate plus climate change insyd Ghana.[4]
| Subclass of | climate change  |
|---|---|
| Facet give | Ghana |
| Country | Ghana |
| Coordinate location | 7°36′5″N 1°0′55″W |
| Time period | 30 |
| Has cause | Causes of climate change over the past 1000 years, deforestation, wildfire, pollution |
| Has effect | hot |
De national economy dey stand make e suffer from de impacts of climate change secof ein dependence for climate-sensitive sectors top such as agriculture, energy, den forestry. Moreova, dem dey expect make access to freshwater make e cam turn more challenging while reduced water supply go have negative impact for hydropower top, wich dey provide 54% of de country ein electricity capacity.[3] Additionally, Ghana go likely see more cases of malaria den cholera since changes insyd water conditions dey impact both. Stagnant water bodies wich dem form as result of sam flooding occurrences, fi support de breeding of more mosquitoes wich go eventually cause de increase insyd de spread of malaria.[5]
Insyd 2015, de government produce document dem title "Ghana's Intended Nationally Determined Contribution".[6] Dey follow dat, Ghana sign de Paris Climate Agreement insyd 2016. De Intended Nationally Determined Contribution after 2016 cam turn de Nationally Determined Contributions dem commonly refer to as NDCs, wich na dem review insyd 2021.[7]
2023 report by de USDA Foreign Agricultural Service note say Ghana "be vulnerable to rising sea levels, droughts, increasing temperatures, den unpredictable rainfall wich negatively dey impact infrastructure, hydropower production, food security, den coastal den agricultural livelihoods".[8]
Greenhouse gas emissions
editInsyd 2021, Ghana ein total CO2 emissions from fuel combustion insyd de energy sector reach 21.397 million tonnes, dey highlight significant increase of 332% insyd per-capita emissions since 2000.[9] Despite dem dey represent 0.1% per of global emissions from inflammable fuels, dis rise dey concern, particularly for international efforts insyd make dem mitigate climate change impacts. West Africa be among de smallest contributors to global greenhouse gas emissions, buh de nations "dey already dey feel de effects of de climate catastrophe disproportionately".[10]
Na de primary source of dese emissions for Ghana insyd be oil burning, wich account for 66% of de total CO2 emissions from fuel burning. Sector-wise, transportation emerge as de largest contributor, responsible for 47% of de nation ein energy-related CO2 emissions, follow by electricity den heat production for 34%. Dese figures dey underscore de urgent need for Ghana make e transition towards more sustainable energy sources den improve de efficiency of ein transportation den power sectors.[11]
Fossil fuel production
editDe Jubilee offshore oil field insyd de Western Region of Ghana begin production for 2010 insyd, dey raise expectations for wealth creation insyd Ghana.[12] Howeva, de infrastructure dem need make dem take support Ghana ein oil industry (storage, shipping, processing) necessitate de practice of flaring. "Long-term gas flaring for de Jubilee Field fi be inevitable" widout accelerated development of infrastructure wey go produce about 1.5 million tons of CO2 annually (7 percent of Ghana ein total national emissions).[13]
Climate Change Institutions insyd Ghana
editOne of de few important climate change institutions insyd Ghana be de Center for Climate Change and Sustainability Studies.[14] De center dey locate insyd de University of Ghana wey edey involve for conducting various research works den projects plus regards to climate change for Ghana insyd. E sanso be multidisciplinary faculty wich dey explore areas such as health, resource management, economics den renewable energy. All of dese research areas dem venture into dem dey target towards capacity building for climate change den sustainable development insyd.[14]
References
edit- ↑ "Ghana at a glance". climatelinks.org. Retrieved 30 December 2022.
- ↑ "Ghana's coastline, swallowed by the sea". UNESCO. 2021-01-11. Retrieved 2023-03-16.
- ↑ 3.0 3.1 "Climate Risk Profile: Ghana". USAID. 31 January 2017. Retrieved 30 December 2022 – via climatelinks.org.
- ↑ "World Bank Climate Change Knowledge Portal". climateknowledgeportal.worldbank.org. Retrieved 2024-07-12.
- ↑ "Newsroom". www.who.int. Retrieved 2024-07-12.
- ↑ "NDC Registry (interim)". unfccc.int. Retrieved 24 November 2020.
- ↑ Dave, Radhika; Saint-Laurent, Carole; Murray, Lara; Antunes Daldegan, Gabriel; Brouwer, Rens; de Mattos Scaramuzza, Carlos Alberto; Raes, Leander; Simonit, Silvio; Catapan, Marisete (2019-06-27). Second Bonn Challenge progress report: application of the Barometer in 2018. IUCN, International Union for Conservation of Nature. doi:10.2305/iucn.ch.2019.06.en. ISBN 978-2-8317-1980-1.
- ↑ Tuebner, Robert (7 June 2023). "Ghana Climate Change Report" (PDF). USDA Foreign Agricultural Service. Retrieved 25 May 2024.
- ↑ "Ghana's Fifth National Greenhouse Gas Inventory" (PDF). unfccc.int. 17 July 2024. Retrieved 17 July 2024.
- ↑ "How the Climate Change Crisis is Impacting Ghana". The Climate Reality Project. 28 June 2023. Retrieved 25 May 2024.
- ↑ "Ghana - Countries & Regions". IEA. Retrieved 2024-05-08.
- ↑ "Ghana - Jubilee FPSO Project - ESIA Summary" (PDF). afdb.org. 17 July 2024. Retrieved 17 July 2024.
- ↑ "Ghana Climate Change Vulnerability and Adaptation". USAID Report prepared by the USDA Forest Service, International Programs. 30 June 2011. Retrieved 30 December 2022.
- ↑ 14.0 14.1 "Centre for Climate Change and Sustainability Studies". www.ug.edu.gh. Retrieved 2024-07-12.