Dancing Pallbearers
Dancing Pallbearers, dem be known plus chaw names, wey dey include Dancing Coffin, Coffin Dancers, Coffin Dance Meme, anaa Coffin Dance, dem be group of pallbearers wey dey base for de coastal town of Prampram for Greater Accra Region of Southern Ghana, but dem dey perform across de country den outside Ghana.[1] De founder den leader give de group be Benjamin Aidoo.[2] Dema local name be Nana Otafrija Pallbearing den Waiting Service anaa Dada awu.[3]
| Subclass of | pallbearer  |
|---|---|
| Languages edey speak, rep anaa sign | English, Akan |
| Ein occupation | pallbearer |
| Work period (start) | 2003 |
| Country of origin | Ghana |
De group gain worldwide attention thru BBC dema feature story for 2017 insyd.[4] For March 2020 insyd, de group cam turn internet meme as dem pair dema videos plus EDM song "Astronomia" by Tony Igy,[5] wey esan gain popularity for video edits insyd.[6]
Origin
editBenjamin Aidoo wey dey lead de Dancing Pallbearers, wey he start de group as regular pallbear service for 2013 insyd.[2][7] Later nu, he get de idea make dem add choreography to dema pallbearing job. Dem dey charge extra fees if dem dance plus de coffin during funeral.[8]
De oldest for de clips dem reuse komot from YouTube by Travelin Sister for January 22nd, 2015.[9] Though de Dancing Pallbearers first rise go wider prominence for 2017 insyd wen BBC News Report feature dem.[10] De third video, wey depict pallbearers dem dey accidentally drop coffin during demma service, Facebook user Bigscout Nana Prempeth wey first post am for May 2, 2019, wey he gain ova 2,900 reactions, 4,600 shares den 350,000 views for one year insyd.[11]
Rise
editDe video den plus similar material gain significant popularity for TikTok top as punchline give fail clips wey be manner similar to To Be Continued den We'll Be Right Back memes, e dey imply say de person for de fail video die. For example, for March 6, 2020, TikTok account Trickshots post version of de meme wey receive ova 2.9 million views den 237,000 likes.[6]
Oda appearances for media insyd
editDe Dancing Pallbearers make appearance for internet memes insyd. For example, easter egg for Call of Duty: Black Ops Cold War insyd dey reference de meme.[12] In addition, de meme experience revival for social media top after de White House COVID-19 outbreak, de tym wey Donald Trump test positive for COVID-19 for early October 2020 insyd.[13]
References
edit- ↑ "How Prampram pallbearers became an international sensation – and a meme". April 17, 2020.
- ↑ 2.0 2.1 "Viral Coffin Dancers (internet meme legends)" – via www.youtube.com.
- ↑ "Funeral dancers for hire". BBC News. Retrieved 2020-04-19.
- ↑ "Africa Live: Def Jam comes to Africa to 'invest in talent'". BBC News. Retrieved 2020-05-27.
- ↑ Amter, Charlie (April 30, 2020). "Tracing the 'Coffin Dance' Meme Music's Path From Russia to Ghana to the World".
- ↑ 6.0 6.1 "Ghana Pallbearers Funny Coffin Song Is Still in a Trend for a Meme". XdigitalNews. April 12, 2020.
- ↑ "A Peep Into Ghana Dancing Pallbearers". Gistvic. 2020-04-02. Archived from the original on 2020-06-26. Retrieved 2020-05-23.
- ↑ "Ghanaians really know how to celebrate when someone dies". Metro. 2017-07-27. Retrieved 2020-04-08.
- ↑ "Coffin Dance / Dancing Pallbearers". Know Your Meme. 2020-03-30. Retrieved 2022-11-23.
- ↑ "Ghana's dancing pallbearers bring funeral joy". BBC. 2017-07-26. Retrieved 2020-04-20.
- ↑ "Here's the story behind the 'coffin dance crew' we see on the internet every day". InqPOP!. April 13, 2020.
- ↑ "How to Complete Zombies Coffin Dance Easter Egg in COD: Black Ops Cold War". ScreenRant. 2020-11-23. Retrieved 2021-03-15.
- ↑ "The Ghanaian Pallbearers Have Come For Trump". www.vice.com. Retrieved 2020-10-03.