Dedan Kimathi University of Technology

Dedan Kimathi University of Technology (anaa DeKUT) be public, coeducational technological varsity insyd Nyeri, Kenya. Ebe one of 22 public varsities insyd Kenya, wey ebe constituent college of Jomo Kenyatta University of Agriculture and Technology since de year 2007 til na dem charter am make e cam fully fledged public varsity for 14 December 2012.

Dedan Kimathi University of Technology

university

Year dem found am	1972, 2007
Dem name after	Dedan Kimathi
Motto text	Better Life through Technology
Country	Kenya
Edey de administrative territorial entity insyd	Nyeri
Coordinate location	0°23′43″S 36°57′45″E
Member of	Association of African Universities
Dema official website	http://www.dkut.ac.ke/

Na ebe de first varsity insyd Kenya make dem charter am under de fresh varsities act of 2012 den de eighth public varsity make dem establish insyd de country.

E start as middle-level national technical den business-oriented learning institution insyd 1972 wey na dem elevate am insyd 2007 make ebe constituent university college of Jomo Kenyatta University of Agriculture and Technology thru Kenya Gazette notice make e cam turn full-fledged university for three years insyd. However, dis cam later for 14 December 2012 wen Presido Mwai Kibaki officiate den award de institution charter for ceremony insyd dem attend by government officials den higher education stakeholders.

Edey locate 6 km from Nyeri along de Nyeri – Mweiga highway. De college land dey span about 1,000 acres wey dey consist of 350 acres of natural forest, 350 acres of mature coffee den 300 acres of open space for expansion.

For 26 November 2008 construction of multi-purpose resource centre begin. De second phase, out of four, of dis project reach completion insyd late 2010. Edey serve as de main hub give activities den events for de college insyd.

Demma History

DeKUT start dey operate as sam technical institute for 1978. Since August 2007 go de award of de Charter, e operate as sam constituent university college. Dem grant DeKUT sam charter say make ecam turn degree-awarding institution for 14 December 2012. Edey operate under de Ministry of Education, Science den Technology.

Demma Academics

DeKUT dey offer academic programmes for de undergraduate den graduate levels through five schools den five institutes.

De schools den institutes be:

• School of Business Management den Economics;
• School of Engineering;
• School of Science;
• School of Computer Science den Information Technology;
• School of Nursing;
• Institute of Geomatics, GIS den Remote Sensing;
• Institute of Food Bioresources Technology;
• Geothermal Energy Training and Research Institute;
• School of Graduate Studies and Research;
• Institute of Tourism and Hospitality Management; den Institute of Technical and Professional Studies (ITPS). ITPS dey offer programmes for de technical diploma level.

Demma Administration

Edey run through sam appointed University Council. De chancellor, vice chancellor den permanent secretaries for de Ministries of Higher Education den Finance be members of de council.

De current Vice Chancellor of DeKUT be Prof. Peter N. Muchiri.

De current Council Chairperson be Dr James Kariuki.

Demma Campus

DeKUT dey six kilometers from Nyeri town along de Nyeri-Nyahururu road, between Mt. Kenya, for de Eastern syd, den Aberdare Mountains, for de western syd.

De university get coffee farm wey dey act as ein research center for coffee research den development, den sam wildlife conservancy wey dey host animals wey dey include llamas, wildebeests den zebras.

Dedan Kimathi University of Technology Resource Centre

Demma Academic facilities

Dem divide de resource centre go four phases insyd plus de two phases complete. De first den second phase dey include library, lecture theatres den laboratories den supporting infrastructure wey edey serve as de hub of de university ein academic activities. De Academic Block houses ICT labs, lecture rooms den offices engineering labs, workshops, den supporting physics den chemistry labs. De university ein Advanced Manufacturing Training Center (ADMaTC) dey house workshops give all engineering courses.

Catering block

Sculpture at Kimathi Grounds

Demma Student life

Dem set up private hostels around de university say so ego house chaw of de students. Sports dey include rugby, football, hockey, basketball den volleyball teams. Edey host de Mt. Kenya 7s rugby tournament every year among oda inter-university tournaments.

Clubs den societies dey include de Christian Union, Catholic Action, Presidential Awards club, Touch Crew International, Actuarial Association of Kimathi den de ICT Club. De ICT Club dey host hackathons.

De students dey represent de Dedan Kimathi University Students' Organization (DeKUTSO) wey dem dey elect every year wey de council get almost 13 officials.

Demma Housing and sports facilities

Kimathi get six halls of residence, one wey dey house female students. Chaw of de students dey live off-campus. De school dey provide transport to den from Nyeri town den estates wer sam students dey stay. Off-campus accommodation around de school be readily available as private developers invest for hostels near de school insyd. Off-campus residences dey include Sunrise hostels, Catholic hostels den Greens.

De school mess dey serve de campus plus meals den sam few off-campus food places. De student's Centre be available give students make dem socialize, watch TV den play pool.

Sports facilities dey include rugby football field; volleyball, basketball den badminton courts; den sam field hockey pitch.