Dora Francisca Edu-Buandoh

Francisca Dora Edu-Buandoh be Ghanaian professor of English den de first female Pro Vice-Chancellor give University of Cape Coast. Dem appoint am for de 99th Governing Council Meeting of UCC wey happen for 23 November 2018 insyd. She take ova from Prof. George K.T Oduro who ein term for office expire for 13 December 2018 insyd.

Dora Francisca Edu-Buandoh

human

Ein sex anaa gender	female
Country wey e be citizen	Ghana
Name wey dem give am	Dora, Francisca
Family name	Edu
Languages edey speak, rep anaa sign	English, Fante
Ein occupation	professor, vice chancellor
Position ehold	vice chancellor
Educate for	Komenda College of Education, University of Iowa, University of Cape Coast, University of Wisconsin–Madison

Ein education

Professor Dora Edu-Buandoh get PhD from de University of Iowa wey dey USA; MPhil den Bachelor’s degrees for English insyd from de University of Cape Coast den Certificate for Teaching English to Speakers of Other Languages (TESOL) from de University of Wisconsin, Madison wey dey USA. She san be qualified teacher, wey pass out plus Certificate ‘A’ from Komenda Training College, den Diploma for Education insyd from University of Cape Coast. Na she be participant for DAAD sponsored International Deans Course for Higher Education Management wey she san take de Galilee International Management Institute Diploma for Higher Education Management programme insyd.

Ein career

She be de current Pro Vice Chancellor give University of Cape Coast. Na she be de Provost give de College of Humanities den Legal Studies from 2016 - 2018. Ein administrative jurisdiction dey cover third of de regular student population den 30% of de population of academic faculty of de University of Cape Coast. She establish de first College-Industry Week activities wey she showcase de College to de Corporate world of Oil den Gas den Business. She facilitate de realization of de GNPC Research Chair of one Million United States Dollars for Petroleum Management. She initiate efforts wey go establish sam Institute for Law den Governance for de University.

Na she be de Dean give de Faculty of Arts, de Head of Department of English den de Coordinator give de Communicative Skills program. As academic, she san teach for ein discipline for all levels for de University insyd; she san present research papers for national den international conferences wey she publish am for Discourses wey dey reputable journals den websites top, both locally den internationally. She san supervise several post graduate thesis.

Prof. Edu-Buandoh serve either as Chair or member for several statutory den ad-hoc boards den committees for departmental, faculty den university levels, wey dey include de Academic Board, Finance Committee, Development Committee, Senior Members Disciplinary Committee. She san get de privilege serve as de Chairman give de Presidential Committee for Emoluments of Article 71 Office Holders (2012 - 2016).

Ein research

Professor Edu-Buandoh ein specialization dey de area of English Linguistics, English Language, Literacy wey ein research interests dey cover Discourse Studies, Multilingualism, Language den Ideology as well as Literacy.

Ein life matter

She get one biological son, three granddaughters den chaw adopted children.

Ein awards

Professor Edu-Buandoh win numerous awards wey dey include de T. Anne Cleary International Dissertation Award by de University of Ohio, Fulbright Award by de United States Government, Government of Ghana Scholarship, Graduate Fellowship by de University of Ohio, AILA Solidarity Award by de Association Internationale de Linguistique Appliquée (International Association of Applied Linguistics) den de Alpha Delta Kappa International Women Educators Award.

Ein donation

She provide shopping vouchers, PPEs den sum items give sum students of UCC secof de impacts of COVID-19.