Emma Miloyo
Emma Miloyo (born 1981) be architect for Kenya wey dem report am, insyd 2017, make she be de first woman presido of de Architectural Association of Kenya.[1] She dey serve as de first female presido of de Architectural Association of Kenya since 2017.[2] For October 2016 insyd, Archinect.com list am among de five Emerging Female Architects of East Africa, for African Great Lakes region countries insyd.[3]
| Ein sex anaa gender | female  |
|---|---|
| Country wey e be citizen | Kenya |
| Name wey dem give am | Emma |
| Family name | Miloyo |
| Ein date of birth | 1981 |
| Place dem born am | Nairobi |
| Languages edey speak, rep anaa sign | English |
| Ein occupation | architect |
| Educate for | Jomo Kenyatta University of Agriculture and Technology |
| Residence | Nairobi |
| Work period (start) | 2007 |
| Member of | Architectural Association of Kenya |
| Copyright status as creator | works protected by copyrights |
Early life den education
editDem born den raise am for Nairobi, Kenya insyd.[4] For primary school she attend Loreto Convent Msongari, before she transfer go The Kenya High School from 1995-1998. She study architecture at Jomo Kenyatta University of Agriculture and Technology, wey she graduate plus Bachelor of Architecture degree insyd 2006.[4][5] No only be say she be de first woman make she graduate from Jomo Kenyatta University of Agriculture and Technology plus first-class honours degree for architecture insyd, buh she sanso go on make she cam turn de first female presido of de Architectural Association of Kenya.[6]
Career
editAs of October 2018, na Miloyo be partner for de architectural firm Design Source, wey na she co-found insyd January 2007, immediately after she graduate from varsity. De firm get offices insyd Nairobi den Mombasa.[4][5] Na she be founding board member of de Konza Technology City Board.[7]
For 2015 insyd dem choose Miloyo say make she join de 2nd Women's Leadership Program Eisenhower Fellows.[8]
For June 2015 insyd, na dem elect am as Vice Pee of de Architectural Association of Kenya, wey she serve for dat capacity til February 2017.[3][5] She cam turn de first female presido of de Architectural Association of Kenya for March 2017 insyd.[4][5]
She be interested in inspiring young women make dem spy architecture as viable career option. In order make she support young people, she dey volunteer ein tym make she help girlies for poverty insyd make dem attend school thru de Ex-Bomarian Education Trust Fund wey she be founding Board Member of WIRE (Women in Real Estate).[9]
Ein life matter
editShe marry Chris Naicca. He too be architect wey na he be ein classmate for varsity. Dem born 3 kiddies.[10] Miloyo den Naicca be partners for Design Source Limited insyd, de architectural firm dem co-found for 2007 insyd.[11]
Recognition
editBusiness Daily Africa list Miloyo as one of Kenya's Top 40 Under 40 Women both insyd 2011 den 2018.[10]
References
edit- ↑ BuyRentKenya (15 September 2017). "Meet Emma Miloyo: Kenya's First Female Architect". BuyRentKenya.com. Nairobi, Kenya. Retrieved 16 February 2017.
- ↑ Eisenhower Fellowships (6 October 2018). "About Emma Miloyo". Philadelphia: Eisenhower Fellowships. Archived from the original on 20 August 2018. Retrieved 6 October 2018.
- ↑ 3.0 3.1 Hannah Wood (16 October 2019). "The Emerging Female Architects of East Africa". Los Angeles, California, United States: Archinect.com. Retrieved 15 February 2020.
- ↑ 4.0 4.1 4.2 4.3 Buy Rent Kenya (15 September 2017). "Meet Emma Miloyo: Kenya's First Female Architect". Nairobi: Buyrentkenya.com. Retrieved 6 October 2018.
- ↑ 5.0 5.1 5.2 5.3 Miloyo, Emma (6 October 2018). "Emma Miloyo: President at The Architectural Association of Kenya". Linkedin.com. Retrieved 6 October 2018.
- ↑ Agweyu, Damaris. "Emma Miloyo on Changing the World One Action at a Time". Qazini. Archived from the original on 5 November 2021. Retrieved 23 October 2018.
- ↑ Okuttah, Mark (14 January 2013). "Poghisio appoints Konza City board members". Business Daily Africa. Nairobi. Retrieved 6 October 2018.
- ↑ "Eisenhower Fellowships announces 2015 Women's Leadership Program Fellows". Eisenhower Fellowships. 13 May 2015. Archived from the original on 23 July 2020. Retrieved 29 April 2024.
- ↑ Kahongeh, James (7 July 2017). "Mentorship will take you places..." Daily Nation. Nairobi. Retrieved 6 October 2018.
- ↑ 10.0 10.1 "Top 40 Under 40 Women In Kenya 2018" (PDF). Business Daily Africa. Nairobi. September 2018. Retrieved 6 October 2018.
- ↑ JAA (28 March 2017). "Emma Miloyo: Part 28 of a month-long celebration of Women's History Month". Matters of Taste. Retrieved 6 October 2018.