February

February be de second month of de year wey dey Julian den Gregorian calendars. De month get 28 days for common years insyd anaa 29 for leap years insyd, wey dem dey call de 29th day de leap day. Ebe de first of five months wey no get 31 days (de oda four be April, June, September, den November) wey de one per wey get fewer dan 30 days. February be de third den last month for meteorological winter for de Northern Hemisphere insyd. For de Southern Hemisphere insyd, February be de third den last month for meteorological summer (ebe de seasonal equivalent for wat be August for de Northern Hemisphere insyd).

February

calendar month

Subclass of	month of the Gregorian calendar
Part of	Julian calendar, Gregorian calendar, Swedish calendar
Dem name after	Februa, mud, cabbage, pearl, ice
Dey follow	January
Followed by	March

Patterns

E get 28 days per for common years insyd, February be de only month for de year wey fi pass widout single full moon. Dey use Coordinated Universal Time as de basis make dem take determine de date den tym of full moon, dis happen last for 2018 insyd wey e go happen for 2037 insyd. De same be true wey dey regard fresh moon: e dey use Coordinated Universal Time again as de basis, dis last happen for 2014 insyd wey e go happen next for 2033 insyd.

Astronomy

February meteor showers dey include de Alpha Centaurids (dey appear for early February insyd), de March Virginids (dey last from February 14 go April 25, dey peak around March 20), de Delta Cancrids (dey appear December 14 go February 14, dey peak fo January 17), de Omicron Centaurids (late January thru February, dey peak for mid-February insyd), Theta Centaurids (January 23 – March 12, visible per for de southern hemisphere insyd), Eta Virginids (February 24 den March 27, dey peak around March 18), den Pi Virginids (February 13 den April 8, dey peak between March 3 den March 9).

Symbols

De zodiac signs of February be Aquarius (til February 18) den Pisces (February 19 dey go).

Ein birth flowers be de violet (Viola), de common primrose (Primula vulgaris), den de Iris. Ein birthstone be de amethyst, wich dey symbolize piety, humility, spiritual wisdom, den sincerity.

External links

February at Wikipedia ein sisto projects

• Wikimedia Commons
• Wikiquote (en)
• Wikidata

• Definitions from Wiktionary
• News from Wikinews

• The Straight Dope: How come February has only 28 days?
• "February" . Encyclopædia Britannica (11th ed.). 1911.