Felicia Abban
Felicia Ewuraesi Abban[1] (née Ansah; dem born am 1935 – 4 January 2024) be first woman for Ghana insyd wey be professional photoo. Den tyms na she job as photoo give Ghana ein first presido, Kwame Nkrumah, chaw years for 1960s insyd.[2][3]
| Ein sex anaa gender | female  |
|---|---|
| Country wey e be citizen | Ghana |
| Name in native language | Felicia Abban |
| Name wey dem give am | Felicia |
| Family name | Abban |
| Ein date of birth | 1936 |
| Place dem born am | Sekondi-Takoradi |
| Date wey edie | 4 January 2024 |
| Place wey edie | Accra |
| Sibling | Kwaw Ansah, Kofi Ansah |
| Languages edey speak, rep anaa sign | English |
| Ein occupation | photographer |
| Residence | Accra |
| Work location | Accra |
| Dema official website | https://www.abbanfelicia.com/ |
Ein early life
editDem Felicia Abban for 1935 insyd for de Western Region for Ghana wey she grow by de seaside town dem dey call Sekondi-Takoradi. Na she be de eldest of six kiddies wey she follow ein poppie, J.E. Ansah, ein footsteps quickly for photography insyd wey she cam turn ein apprentice de tym wey she dey 14.[4]
Abban study under ein poppie for de next four years wey she work for ein craft top wey de tym she chop 18, Felicia relocate from Takoradi go Accra, wey she set up ein own studio.[5] For sam few months insyd she open ein business, “Mrs. Felicia Abban’s Day and Night Quality Art Studio” for de centre for Jamestown, Accra for 1955 insyd.
Family life
editNa Felicia marry Robert Abban, de man wey design de fabric make dem commemorate Ghana ein independence celebration for 1957 insyd plus Kwame Nkrumah ein portrait dem feature for flowers top plus de Ghana map.[3] Na Mr Abban be de creative director for former Ghana Textiles and Manufacturing Company (GTMC). She play role for mentoring seminal filmmaker Kwaw Ansah, den de fashion designer Kofi Ansah both be ein siblings. Na she be de sibling of JKE Ansah, Tumi Ansah, Kwaw Ansah den Kofi Ansah.[6]
Death
editFelicia Abban die for Accra insyd for 4 January 2024, for de age of 87.[7][8]
References
edit- ↑ "Ghana mourns death of pioneer female photographer, Felicia Ewuraesi Abban - MyJoyOnline". www.myjoyonline.com. 5 January 2024. Retrieved 6 January 2024.
- ↑ Best, Tamara (7 March 2017). "Portraits by Ghana's First Woman Photographer". The New York Times. Retrieved 21 September 2018.
- ↑ 3.0 3.1 Bowles, Laurian R. (24 November 2016). "Dress Politics and Framing Self in Ghana: The Studio Photographs of Felicia Abban". African Arts. 49 (4): 48–57. doi:10.1162/AFAR_a_00313. ISSN 1937-2108. S2CID 57561319. Retrieved 21 September 2018.
- ↑ "Felicia Abban: Behind the Scenes".
- ↑ Yeboah, Kwabena Agyare (10 September 2018). "Felicia Abban: Remembering the Woman in all the Portraits". Aha! Review. Retrieved 2 January 2019.
- ↑ "Ghana's first female professional photographer is dead". GhanaWeb. 5 January 2024. Retrieved 6 January 2024.
- ↑ "Ghana's first female professional photographer passes away". Graphic Online. 5 January 2024. Retrieved 5 January 2024.
- ↑ Adogla-Bessa, Delali (5 January 2024). "Felicia Abban: Ghana's first woman professional photographer passes on at age 87". Yen.com.gh - Ghana news. Retrieved 6 January 2024.