Wikipedia

Gamal Abdel Nasser University of Conakry

varsity insyd Guinea

Gamal Abdel Nasser University of Conakry (insyd French L'Université Gamal Abdel Nasser de Conakry, UGANC), be de largest university insyd Guinea. E dey locate insyd Dixinn Commune, Conakry, Guinea. Dem generally dey shorten de name to de University of Conakry.

Gamal Abdel Nasser University of Conakry
public university
Year dem found am1962 Edit
Dem name afterGamal Abdel Nasser Edit
CountryGuinea Edit
Edey de administrative territorial entity insydConakry Edit
Coordinate location9°32′40″N 13°40′35″W Edit
Member ofAgence universitaire de la Francophonie Edit
Get subsidiaryUniversity of Labé Edit
Dema official websitehttps://uganc.edu.gn/ Edit
Map

History

edit

De university cam into being insyd 1962 as de Institut Polytechnique de Conakry, de first institution of higher education insyd Guinea,[1] plus de assistance of de Soviet Union.[2] Na dem establish am during period of progressive economic development insyd de country after independence.[3] Insyd 1970, dem change de school ein name to de Institut Polytechnique Gamal Abdel Nasser de Conakry (IPGAN),[1] after de popular Egyptian Presido Gamal Abdel Nasser. Insyd 1989, dem san rename am, dis time to de Université Gamal Abdel Nasser de Conakry.[1]

Insyd 1965, na dem incorporate separate École supérieure d'administration into de Institut Polytechnique.[4]

De university get campus-wide computer network plus fiber optic backbone den 100BaseT Ethernet cabling as of 2007 along plus 1,000 computers for university staff. De United States Agency for International Development help set up de network den internet connection. Each faculty dey provide computer lab give faculty den students, however de ratio of computers to users be 1:100 per.[5] Dem dey offer online university courses.[5]

Insyd 2002, na dem controversially abort de university entrance exam.[6]

Faculties

edit

De university get 13 schools den faculties, wey dey include medicine.[2] E currently get Faculté de Médecine, Pharmacie et Odontostomatologie (Faculty of Medicine, Pharmacy den Dentistry), plus department for each of de three disciplines: Faculté des Sciences (Faculty of Sciences), plus biology, chemistry, mathematics den physics departments; Centre d’Etude et de Recherche en Environnement (Centre for Study den Environmental Research); Centre Informatique (Computing Centre); den Institut Polytechnique (Polytechnic Institute), plus departments of electrical engineering, civil engineering, computer engineering, chemical engineering, industrial engineering den maintenance, mechanical engineering den telecommunications.[7]

For 21 September 2015, dem sign protocol of agreement insyd Conakry between Guinea den de Institut Pasteur make dem create de Institut Pasteur of Guinea, wich go be independent department of de University of Conakry.[8]

De Herbier National De Guinée, de national herbarium of Guinea, dem sanso house am within de university.

References

edit
  1. ↑ 1.0 1.1 1.2 "Historique". Université Gamal Abdel Nasser de Conakry.
  2. ↑ 2.0 2.1 O'Toole, Thomas; Baker, Janice E. (2005). Historical dictionary of Guinea. Scarecrow Press. p. 112. ISBN 978-0-8108-4634-0. Retrieved 16 March 2011.
  3. ↑ "Etudes en Guinee" (PDF) (in French). Projet EtudiantGuinée. Archived from the original (PDF) on 26 July 2011. Retrieved 16 March 2011.
  4. ↑ Camara, Mohamed Saliou; O'Toole, Thomas; Baker, Janice E. (7 November 2013). Historical Dictionary of Guinea. Scarecrow Press. p. 129. ISBN 9780810879690.
  5. ↑ 5.0 5.1 Osei Tutu Agyeman (June 2007). "ICT for Education in Guinea" (PDF). infoDev.
  6. ↑ "Entrance exam abolition splits Conakry staff". Times Higher Education World University Rankings. 12 July 2002.
  7. ↑ "Présentation". Gamal Abdel Nasser University of Conakry.
  8. ↑ "A new Institut Pasteur created in Guinea". Institut Pasteur. 24 September 2015.
edit
Dem retrieve am from "https://gpe.wikipedia.org/w/index.php?title=Gamal_Abdel_Nasser_University_of_Conakry&oldid=34003"