Georgina Theodora Wood

Georgina Theodora Wood JSC OSG (née Lutterodt; dem born am 8 June 1947) be Ghanaian judge wey she san be former police prosecution officer. Na she be de Chief Justice of Ghana den first woman wey occupy dat position. She retire for 2017 insyd after five decades of service give de state. She be member of de Council of State.

Georgina Theodora Wood

human

Ein sex anaa gender	female
Country wey e be citizen	Ghana
Name in native language	Georgina Theodora Wood
Name wey dem give am	Theodora
Family name	Wood
Ein date of birth	8 June 1947
Place dem born am	Ghana
Languages edey speak, rep anaa sign	English
Ein occupation	judge, lawyer, prosecutor
Employer	Ghana Police Service
Position ehold	court president, Justice of the Supreme Court of Ghana, Council of State
Educate for	University of Ghana, Wesley Girls' High School, Ghana School of Law
Work location	Accra
Award e receive	Order of the Star of Ghana, honorary degree

Ein early life den education

Dem born Georgina Lutterodt for 8 June 1947 for Ghana insyd. She get ein basic education for Bishop's Girls den Methodist Schools, Dodowa. She next attend Mmofraturo Girls School, Kumasi between 1958 den 1960. Wood ein secondary education be for Wesley Girls' High School, Cape Coast, wey she plete for 1996 insyd. She proceed go de University of Ghana, Legon, wey dem award am de LL.B. for 1970 insyd. Wood then attend de Ghana School of Law after which dem bell am go de bar. She sanso do Post-Graduate Officers Training Course for de Ghana Police College.

Ein career

Wood job plus de Ghana Police Service as deputy superintendent den public prosecutor for three years. Later she join de Judicial Service as District Magistrate for 1974 insyd. She rise thru de Circuit den High Courts wey she cam turn de presiding judge for de Appeal Court for 1991 insyd. Presido John Kufuor appoint am go de Supreme Court for 12 November 2002, appointment wey she decline earlier.

Georgina Wood committee

Dem set up Georgina Wood committee for 4 July 2006 make e investigate 77 packets of cocaine wey disappear from shipping vessel MV Benjamin for 26 April 2006. Na e sanso go investigate alleged 200,000 dollars bribe sam lady wey dey link to Venezuelan drug baron bia to senior police officers, den 588 kg of cocaine dem sanso seize for Mempeasem, East Legon from de Venezuelans.

Chief Justice of Ghana

Dem nominate am for de position of Chief Justice for Ghana for May 2007 insyd. For 1 June 2007, de Parliament of Ghana approve ein nomination as de fresh Chief Justice for Ghana by consensus.

Council of State

For 20 June 2017, Presido Nana Akuffo-Addo swear Wood as de 25th den final member for de Council of State. She dey de council top by virtue for de fact say she be former Chief Justice. Ebe de first tym for 22 years insyd wey dem fill de vacancy as Ghana no get living retired Chief Justice since 1995.

Honours

For 7 July 2007, dem decorate Wood plus de Order of de Star of Ghana, de nation ein highest honour. Presido John Kufuor wey present give am.

Oda roles

Wood be choir leader for de Ringway Gospel Centre Assemblies of God Church, Accra. She sanso be de Chairperson for de Alternative Dispute Resolution for Ghana insyd. She sanso serve as member for de Kenya Judges and Magistrates Vetting Board. She serve for de board for de Global Justice Center top, international human rights law organization wey base for New York City insyd.

Family

Wood marry Edwin Wood, wey be retired banker.

External links

Georgina Theodora Wood at Wikipedia ein sisto projects

• News from Wikinews
• Quotations from Wikiquote
• Data from Wikidata

• Pictures from vetting by Parliament of Ghana
• [1]
• [2]

Legal offices
Precede by George Kingsley Acquah	Chief Justice of Ghana 2007 – 2017	Succeed by Sophia Akuffo