Great Zimbabwe University
Great Zimbabwe University (GZU) be institution of higher learning insyd de city of Masvingo, Zimbabwe. E currently dey situate for de Masvingo Teachers’ College campus seven kilometres east of Masvingo CBD. Currently de institution get number of campuses insyd den around de city, wey dey include sam insyd de high density suburb of Mucheke, most notably de school of tourism den hospitality situated for hill top for wat na dem dey use as hotel. De Herbert Chitepo law school den de library be among de campuses insyd de center of town. Der sanso be freshly campuses dem build to de west insyd de industrial zone of de city, wey buildings dey stand out along de Bulawayo highway. Der be anoda campus insyd de mining town of Mashava 40km west of Masvingo. Dem soon dey cam build larger campus near de Great Zimbabwe National Monument, de namesake of de varsity.
| Year dem found am | 1995  |
|---|---|
| Country | Zimbabwe |
| Edey de administrative territorial entity insyd | Masvingo |
| Coordinate location | 20°6′11″S 30°51′47″E |
| Member of | Association of African Universities |
| Dema official website | http://www.gzu.ac.zw |
Ebe one of number of varsities de government gbele after independence insyd 1980, Great Zimbabwe University begin life as de Masvingo State University (MASU),[1] wey na dem establish thru de recommendations of de 1995 Chetsanga Report. De report propose de devolution of teachers’ den technical colleges into degree-awarding institutions wey go eventually cam turn varsities for dema own right insyd. Varsity college wey na ebe attach to de University of Zimbabwe accordingly dem launch am insyd 1999/2000. Two years later, Act of Parliament create de autonomous Masvingo State University. Dem change de name go Great Zimbabwe University two years later.
De varsity dey offer degree den diploma programmes at undergraduate den postgraduate levels insyd de arts, commerce, education den de sciences. Dem design de programmes make ebe responsive to de needs of de job market insyd Zimbabwe ein ever-changing economy.
Arts den literature
editDe Department of Visual den Performing Arts insyd de Simon Muzenda School of Arts, Culture den Heritage Studies for Friday 19 May 2017, premier movie, Solo naMutsai. De film, dem explore varsity student life; de ups den downs, de love life, wey dey deal plus external forces den different social classes wey na Charles Munganasa wrep am wey Sydney Taivavashe direct am.[2] De department sanso launch music album, Dangwe, for 7 April 2017.[3]
Insyd 2018, two Great Zimbabwe University lecturers, Munyaradzi Mawere den Tapuwa Rubaya, start publishing company insyd Masvingo make e promote indigenous stories den encourage de growth of reading culture. Africa Talent Publishers be reportedly de first such establishment wey found am insyd de town.[4]
Politics
editInsyd 2019, de anti-ZANU–PF Zimbabwe National Students Union (ZINASU) defeat de pro-ZANU–PF Zimbabwe Congress of Students Union (ZICOSU).[5]
References
edit- ↑ Graduation at Great Zimbabwe University (accessed 02/10/2008, requires AllAfrica subscription)
- ↑ newsday (15 May 2017). "Taivavashe, GZU resurrect 'Solo Na Mutsai'". NewsDay Zimbabwe. Retrieved 1 April 2019.
- ↑ Herald, The. "Gem from Great Zimbabwe University". The Herald. Retrieved 1 April 2019.
- ↑ "PressReader.com - Digital Newspaper & Magazine Subscriptions". www.pressreader.com. Retrieved 29 May 2024.
- ↑ "Zinasu wins it all in GZU SRC elections".