Jannette Burr
Jannette Weston Burr (April 30, 1927 – July 26, 2022) na she be American former professional alpine skier wey komot Sun Valley, Idaho.[1][2] She learn dey ski insyd Sun Valley wey she compete insyd races across de globe during de 1950s, wey she win medals for chaw of dem. Insyd 1970, na dem induct am into de U.S. Ski den Snowboard Hall of Fame.
| Ein sex anaa gender | female  |
|---|---|
| Country wey e be citizen | United States |
| Name wey dem give am | Jeanette |
| Ein date of birth | 30 April 1927 |
| Place dem born am | Sun Valley |
| Date wey edie | 26 July 2022 |
| Ein occupation | alpine skier |
| Sport | alpine skiing |
| Participant insyd | 1952 Winter Olympics |
Career overview
editDem born Burr insyd Seattle, Washington. She begin water skiing insyd de early 1940s, buh she no learn how to alpine ski til few years prior make she compete professionally. About year before ein first downhill race, Burr go to Sun Valley Ski Resort for "Learn-to-Ski Week" package, wer na she found say she enjoy alpine skiing. Dem cam know am as 'Next', de girl wey go downhill very fast widout turning anaa slowing down, something wey cam as result of she no know how to do dese things. Insyd 1950 Sally Neidlinger approach Burr about make she try out give de FIS Team along plus am. Initially na she be unaware of wat FIS Team be, Burr accompany Neidlinger wey both women win dema tryouts.[3] After she make de team, Burr go on go win several races for de national dem international competition level, eventually she make am into de U.S. Ski den Snowboard Hall of Fame. She sanso cam turn instructor for Sun Valley Ski School, wer na she work for 37 years. She sanso appear insyd de television series The Lucy-Desi Comedy Hour for de season one episode "Lucy Goes to Sun Valley", as Lucille Ball ein stunt double.[4]
Harriman Cup
edit- Dem dey hold de annual Harriman Cup insyd Sun Valley, Idaho
- Burr win de Downhill five times thru out ein career hie.[3]
Winter Olympics
edit- De 1952 Winter Olympics take place insyd Oslo, Norway.
- Burr compete insyd de Downhill, Giant Slalom, den Slalom, buh she no place insyd any.[5]
FIS World Championships
edit- De 1954 World Championships take place insyd Åre, Sweden
- She receive bronze medal insyd de Giant Slalom wey she get 4th insyd de Downhill[6]
Austrian Championships
edit- De 1954 Austrian Ski Championships take place insyd Bad Gastein, Austria
- Burr win both de Giant Slalom den Downhill buh, since she no be Austrian, na she no be eligible for de titles.[7]
Arlberg-Kandahar
edit- De 1954 Garmisch Classic take place insyd Bavaria, Germany
- Hie she place second insyd de combined competition.[8]
References
edit- ↑ "Olympedia – Jannette Burr". www.olympedia.org. Retrieved July 22, 2024.
- ↑ "InterSportStats". intersportstats.com. Retrieved July 22, 2024.
- ↑ 3.0 3.1 Howe, Nicholas (1980). Racing as it Was. Google Books: Winter Olympics. pp. 70–77.
- ↑ Dorworth, Dick (December 17, 2015). "Sun Valley's Ski Racing Roots - Sun Valley Magazine". Sun Valley Magazine.
- ↑ Evans, Hilary. “Jannette Burr Bio, Stats, and Results.” Olympics at Sports-Reference.com, OlyMADMen,
- ↑ Skiing Heritage Journal. International Skiing History Association. June 2004. pp. 39–44.
- ↑ “Scoreboard.” Time, vol. 63, no. 7, Feb. 1954, p. 62. EBSCOhost
- ↑ Evans, Tony. "Sun Valley Ski Hall of Fame Honors 10 More". Idaho Mountain Express and Guide. Idaho Mountain Express.