Julian Abele

Julian Francis Abele (April 30, 1881 – April 23, 1950) na he be prominent black American architect, den chief designer insyd de offices of Horace Trumbauer. He contribute to de design of more dan 400 buildings, wey dey include de Widener Memorial Library at Harvard University (1912–15), Philadelphia ein Central Library (1917–27), den de Philadelphia Museum of Art (1914–28). Na he be de primary designer of de west campus of Duke University (1924–54).

Julian Abele

human

Ein sex anaa gender	male
Country wey e be citizen	United States
Name wey dem give am	Julian
Family name	Abele
Ein date of birth	30 April 1881
Place dem born am	Philadelphia
Date wey edie	23 April 1950
Place wey edie	Philadelphia
Place wey dem bury am	Eden Cemetery
Sibling	Elizabeth Rebecca Abele Cook
Ein occupation	architect
Employer	Horace Trumbauer
Residence	Philadelphia, Paris
Ethnic group	African Americans
Notable work	Cameron Indoor Stadium, Widener Library, Parkway Central Library, Philadelphia Museum of Art
Movement	Beaux-Arts
Award e receive	Frederick Graff Prize, Arthur Spayd Brooke Memorial Prize
Has works in the collection	Philadelphia Museum of Art
Copyright status as creator	copyrights on works have expired
Artist files at	Philadelphia Museum of Art Library and Archives

Abele ein contributions to de Trumbauer firm na ee great, buh de building per for wich he claim authorship during na Trumbauer ein lifetime be Duke University Chapel. Dey follow Trumbauer ein 1938 death, he co-head de architectural firm den design additional buildings at Duke, wey dey include Allen Administrative Building den Cameron Indoor Stadium.

Background

Na dem born Abele insyd Philadelphia to a prominent family. Na ein maternal grandpoppie be Robert Jones, wey insyd de late 18th century he found de city ein Lombard Street Central Presbyterian Church. Na he sanso dey relate to Absalom Jones, wey establish de African Episcopal Church of St. Thomas insyd 1794, de first Black church insyd Philadelphia. Na Abele ein son, Julian Francis Abele, Jr. be an architectural engineer wey ein nephew, Julian Abele Cook, work as de Building Coordinator for Howard University.

Abele work insyd chaw media: watercolor, lithography, etching den pencil, wood, iron, gold den silver. He design den construct all of ein own furniture, even he dey do de petit point einself. While he know chaw historic styles, he seem dey love Louis XIV French most of all.

Ein life matter

Insyd 1925, at de age of 44, he marry Marguerite Bulle, a French pianist 20 years ein junior. Na dem get three kiddies: Julian Abele, Jr., Marguerite Marie Abele (she die young), den Nadia Boulanger Abele. Marguerite lef am insyd 1936, wey she cam turn de common-law wife of opera singer Jozef Kowalewski, plus whom na she get three additional kiddies. Secof Abele never take action make he divorce ein wifey, de Kowalewski kiddies share ein estate insyd.

He die from a heart attack insyd 1950, insyd Philadelphia wey na dem inter at Eden Cemetery insyd Collingdale, Pennsylvania.

Legacy

• The Allen Administration Building at Duke University, wich na he design, dem plete am after ein death insyd 1950.
• Insyd 1988, Duke University honor Abele plus ein portrait wey dem display insyd de main lobby of de Allen Building. Na ebe de first portrait of an African-American make dem display for de campus top. Make dem prominently acknowledge ein contribution to Duke University ein West Campus, de main quad at Duke dem now officially name am Abele Quad plus dedication plaque prominently dem place at de very center of west campus.
• For August 17, 2012, construction begin for Julian Abele Park, at 22nd & Carpenter Streets insyd Philadelphia.
• Architectural historian Dreck Spurlock Wilson dey prepare de first biography of Abele.

Gallery

• 
  Gothic House, Tours, France (1915), sketch by Abele
• 
  Rocky Steps den terraces at de Philadelphia Museum of Art, Philadelphia (1928)
• 
  Duke University Chapel, Durham, North Carolina (1932)
• 
  Cameron Indoor Stadium, Duke University, Durham, North Carolina (1940)
• 
  Krzyzewskiville Lawn, Cameron Indoor Stadium, Duke University, Durham, North Carolina
• 
  Allen Administrative Building, Duke University, Durham, North Carolina (1954)

External links

Wikimedia Commons get media wey relate to Julian Abele.

• Julian Abele at Find a Grave
• Abele, Julian (1881-1950) data from the Philadelphia Architects and Buildings (PAB) project of the Athenaeum of Philadelphia
• Julian Abele: Hidden in the Shadows Archived 2009-01-13 at the Wayback Machine — Duke University Historical Note, University Archives.
• Julian Abele — at the Pennsylvania Museum School of Industrial Art.
• The Winterthur Library — Overview of an archival collection featuring Julian Abele.
• Julian Abele, Architect and the Beaux Arts — Information on architect Julian Abele, including Building and Artwork Galleries.