Koffi Gahou
Koffi Gahou (22 October 1947 – 24 August 2019) be a Beninese artist, actor, den director.
Biography
editDem born Gahou insyd Cotonou for October 22, 1947. He study from 1986 to 1989 at de Institute of Theatrical Studies at de University of Sorbonne Nouvelle Paris 3, wey he earn a teaching license. From 1985 to 1986 Gahou serve an internship at de Conservatoire national supérieur d'art dramatique insyd Paris den insyd 1988, wey he get an internship at de Institut international de la marionnette.[1] Beginning insyd 1974, na he be self-educated insyd de mediums of plastic art, wall tapestry, sculpture, den interior architecture. Gahou join de civil service as an artist den perform insyd de "Cerveaux noirs" troupe. He sana be a founder of de "Zama Hara" theater group, he get chaw exhibitions of ein work insyd Africa, Europe, Cuba, den de United States.[2]
Gahou create de cloth work "Yovo Helou e, Akowe helou e" insyd 1990. E dey depict slaves plus dem tie dem hands behind dema backs, wey na ebe great success.[3]
Insyd 2000, Gahou play de stepbro of Boubacar, a farmer, insyd Jean Odoutan ein film Barbecue Pejo.[4]
Insyd a video statement insyd April 2019, Gahou demand make dem bia am de 30 million CFA Francs wey na a Beninese MP order make dem give am by de 3rd Commercial Chamber of de Cotonou Court. De matter stem from a 2007 contest wey Gahou win buh he no receive de prize money.[5]
Gahou die for 24 August 2019 insyd Abomey. Na dem hold ein funeral for 25 September.[6]
References
edit- ↑ "Carnet noir : L'artiste plasticien Koffi Gahou a tiré sa révérence - Fraternité". Fraternitebj.info (in French). 26 August 2019. Retrieved 1 October 2020.
- ↑ "L'artiste Koffi Gahou a tiré sa révérence". 24haubenin.info (in French). Retrieved 1 October 2020.
- ↑ Haehnel, Birgit; Ulz, Melanie (2010). Slavery in Art and Literature: Approaches to Trauma, Memory and Visuality. Frank & Timme GmbH. p. 228. ISBN 3865962432.
- ↑ "Barbecue Pejo". Offi.fr (in French). Retrieved 1 October 2020.
- ↑ Adanle, Angele (10 April 2019). "Bénin: un influent député doit près de 30 millions de francs CFA à l'artiste Koffi Gahou". Benin Web TV (in French). Retrieved 1 October 2020.
- ↑ "Bénin: l'artiste comédien Koffi Gahou inhumé ce jour à Abomey". Benin Web TV (in French). 26 September 2019. Retrieved 1 October 2020.
External links
edit
- Koffi Gahou for de Internet Movie Database