Kunle Filani

Emmanuel Olakunle Filani (dem born am 8 September 1957) be Nigerian educator den artist. Dem dey see ein works closely plus de school of thought named Onaism, sam art movement wey dey base for de fusion of de designs, ornamentation den motifs wey dey traditional Yoruba carvings den textiles insyd plus modern art pieces such as drawings den paintings. Filani sana be lecturer den administrator – na he be provost of de Federal College of Education, Osiele, Abeokuta.

Kunle Filani

human

Ein sex anaa gender	male
Country wey e be citizen	Nigeria
Ein date of birth	8 September 1957
Ein occupation	art educator, academic, artist
Educate for	Obafemi Awolowo University, University of Benin (Nigeria), University of Ibadan
Personal pronoun	L485

Ein Early life den education

Dem born Filani for 8 September 1957 for polygamous family insyd, na ein poppie Jacob Ogunmoroti Filani be native of Ikole-Ekiti insyd Ekiti State, na he be civil servant wey work insyd de municipal government council wey na ein mummy be teacher. Ein poppie die insyd 1975 as na Filani be 17 years old. Secof ein poppy ein job, na de family dey stay insyd various towns as na he be kiddie. He plete ein primary education for Bishop Akinyele Primary School, Ibadan (1967-1969) den St Peter's Primary School, Ikole (1969). He attend Doherty Memorial Grammar School insyd Ijero Ekiti plus ein bro, fellow artist Tolu Filani. As na he dey Form 2, de school provide classroom give students inclined towards artistic activities wey na dem subsequently hire am an arts teacher make he manage de class. He fini secondary education insyd 1974 wey briefly work for two years as a clerk at de Lafarge Cement plant insyd Ewekoro. From 1976-1980, he study at Obafemi Awolowo University wer na he earn a degree insyd Fine Arts. At Ife, na sam faculty staff wey include Babatunde Lawal, Munio Makuchi, Agbo Folarin den Rowland Abiodun teach am. Na ebe at de university he meet sam of ein fellow artists such as Moyo Okediji den Moyo Ogundipe; togeda dem later go on to form de Ona art movement insyd de late 1980s. He sanso develope an interest insyd petro-polystyrene experimentation at Ife. He obtain a Master of Fine Arts degree from de University of Benin, as part of ein fulfilment for de completion of de degree, he stage an academic exhibition dem entitle 'A Trip to Wonderland'. He sanso develope skills insyd contrast composition den printmaking. Filani later earn a doctoral degree insyd Visual Arts from University of Ibadan insyd 2002.

Books

• Art, design and technology in the 21st century. edit by E.O. Filani ... [et al.] Lagos : Culture and Creative Art Forum (CCAF), 2007.
• Patterns of Culture in Contemporary Yoruba Art. Symphony Books, 2005.

Ein life matter

Filani marry Celestina Omigie insyd 1988. Dem dey attend de Mountain of Fire and Miracles church.