Kwadwo Afari-Gyan

Kwadwo Afari-Gyan CSG (dem born am 18 June 1945) be Ghanaian academic, political scientist den election administrator. Den he be Chairman for de Electoral Commission of Ghana from 1993 to 2015.

Kwadwo Afari-Gyan

human

Ein sex anaa gender	male
Country wey e be citizen	Ghana
Name wey dem give am	Kwadwo
Ein date of birth	18 June 1945
Place dem born am	Anyimon
Languages edey speak, rep anaa sign	English
Ein occupation	politician
Employer	University of Ghana
Educate for	University of Ghana, University of California, Santa Barbara, Achimota School

Early life den education

Dem born Afari-Gyan on 18 June 1945 for Anyimon in de Brong Ahafo Region of Ghana. He go Achimota School den Adisadel College for ein A Level den he sanso graduate from de University of Ghana for 1967 plus BA degree insyd Philosophy. He continue go get MA degree insyd African politics for 1969 for de same university. He sanso study for de United States wey he get award for Ph. D. insyd political science from de University of California, Santa Barbara insyd 1974.

Career

Afari-Gyan job as lecturer den professor for Political Science at de University of Ghana. He sanso lecture insyd de United States den Nigeria. Wey he be member of de Committee of Experts wey draft de Fourth Republican Constitution for Ghana.

In 1992, dem appoint am as deputy chairman for de Interim National Electoral Commission by de Provisional National Defence Council, wey dey rule as military junta, plus de hope say dem go carry de country back to civilian rule. Ein job be say make he ensure say de November 1992 presidential election den de December 1992 parliamentary elections go be free den fair. Jerry John Rawlings, de chairmo for de PNDC, wey be de Head of State, stand den win de elections.

With de coming into force of de Fourth Republican Constitution, dem set up a new Electoral Commission wey Afari-Gyan chop de first substantive chairman. He successfully supervise all de elections dem hold under dis constitution so far. He successfully chair de conduct of presidential den parliamentary elections for 1992, 1996, 2000, 2004 den 2008. Insyd de last of these elections, number of unofficial institutions attempt make dem declare de results, wey Afari-Gyan come talk say de results no fit be trusted.

De 2004 general elections get matters wey de opposition National Democratic Congress take go court. But dem lost de case on technicalities. Again, de 2012 presidential election between Presido John Dramani Mahama den Nana Akufo-Addo end up insyd an 8-month election petition trial at de Supreme Court. De opposition leader lost de case insyd a 5:4 split decision, wey show say de President be validly elected. But, de trial, wey dey live on television, expose sum fundamental weaknesses for Ghana ein electoral process, wey trigger calls den moves towards comprehensive electoral reforms before de 2016 general elections. De ruling get chaw criticism by jurists.

Dis be wat one of de Supreme Court Justices, Justice Jones Dotse, say about Dr Afari Gyan: "My observation be say, Dr. Afari Gyan appeared to have concentrated his oversight responsibility at de top notch of de election administration, thereby abdicating his supervisory role at de grassroots or bottom, where most of de activities critical to de conduct of elections are performed. In dis instance, he even appeared not to be conversant with some of de basic procedural steps den rules dat are performed by his so-called temporary staff. So far as I dey concerned, Dr. Afari Gyan has cut a very poor figure of himself, and the much acclaimed competent election administrator both nationally and internationally has evaporated into thin air once his portfolio has come under de close scrutiny of the Courts."

Insyd 1998, he cam turn de Executive Secretary of de Association of African Election Authorities. He be member of a committee of experts make dem advice Nigeria for elections top.

Honours

He chop award as de Order of the Star of Ghana, de highest national award by President John Mahama, on 1 July 2015.

Oda activities

He sanso job give large number of other African countries, den he write several books. He be de "star witness" for de Electoral Commission of Ghana for an electoral petition filed by de New Patriotic Party after the 2012 general election.

Publications

• The Political Ideas of Kwame Nkrumah. University of California, Santa Barbara. 1974. p. 462.
• Nkrumah's Ideology. 1985.
• Public Tribunals and Justice in Ghana. Asempa Publishers. 1988. p. 14.
• Understanding Politics. Asempa Publishers. 1991. p. 109.
• The Making of the Fourth Republican Constitution of Ghana. Accra: Goldtype Publishers & Friedrich Ebert Foundation, Ghana Office. 1995. p. 139. ISBN 978-9988-572-02-0.
• The Ghanaian constitution: An introduction. Friedrich Ebert Foundation. 1999. p. 108. ISBN 978-9988-572-56-3.
• Sarpong, Peter; et al. (1992). Afari-Gyan, Kwadwo; Arhin, Kwame (eds.). The City of Kumasi Handbook: Past, Present and Future-Cambridge Faxbooks. OCLC 29495434.