Kwame Nkrumah University

Kwame Nkrumah University (KNU) be public varsity insyd Zambia.

Kwame Nkrumah University

university, educational institution

Year dem found am	1971, 1967
Dem name after	Kwame Nkrumah
Country	Zambia
Edey de administrative territorial entity insyd	Kabwe
Coordinate location	15°24′0″S 28°20′0″E
Dema official website	https://www.nkrumah.edu.zm/

Kwame Nkrumah University (KNU)

Motto	Teaching for Excellence
Type	Public
Establish	1967
Vice-Chancellor	Prof. Alfred M. Mwanza, PhD
Academic staff	74+ (2016)
Students	6,000+ (2016)
Location	Kabwe , Zambia 14°26′41″S 28°28′02″E
Campus	Urban
Website	www.nkrumah.edu.zm

Location

De varsity ein main campus dey insyd de central business district of de city of Kabwe, approximately 155 kilometres (96 mi) by road north of Lusaka, de capital den largest city insyd Zambia. De geographical coordinates of Kwame Nkrumah University be:14°26'41.0"S, 28°28'02.0"E (Latitude:-14.444722; Longitude:28.467222).

History

Dem gbele de institution insyd 1967, as Kabwe Teachers Training College. E train junior secondary school teachers for ein inception. Four years later, de presido of Zambia for de time, Kenneth Kaunda, rename de college Nkrumah Teachers College, for honor of Kwame Nkrumah, de first Prime Minister den first Presido of Ghana. During de period na wen Levy Mwanawasa be presido (2002 to 2008), de college begin dey transform go varsity, process wey dem conclude while na Michael Sata dey insyd office (2011 to 2014).

Na dem establish Kwame Nkrumah University by Part IV, Section 14 of de Higher Education Act No. 4 of 2013. For ein inception, de university fi accommodate 600 students per, number wey increase since go 6,000. As of August 2016, e employ 74 full-time academic staff. For dat time, na de university dey undergo major infrastructure expansion, wey dey include four student hostels; each capable dey accommodate 600 students. Hua Jiang Investment Limited, Chinese construction firm, wey dey carry out de construction works, for wich de government of Zambia spend in excess of ZMW:57,518,410 (approx. US$5.68 million).

De university hold ein first graduation ceremony under ein own university letterheads insyd August 2015.

Campus locations

Nkrumah University get three campus locations. De main campus — Munkoyo Street Campus — dey about 3 km from de Kabwe city center. Nkrumah University recently acquire de PAID-ESA campus along de same street (Previously de Pan African Institute for Development - East/Southern Africa); dis campus go help expand de capacity of de university. De newest campus be de West Campus. Edey lie immediately to de left of Main Campus. Kwame Nkrumah University get fresh state of de art Library wich dey locate for de west Library. De fresh campus sanso dey house de fresh lecture theatre. Oda infrastructure still dey under construction within de same vicinity.

Academics

Dem dey offer de undergraduate degree wey dey follow by Kwame Nkrumah University:

• Bachelor of Arts plus Education insyd de Humanities den Social Sciences
• Bachelor of Science plus Education insyd de Natural Sciences
• Bachelor of Business Studies plus Education

Departments

Dem divide de Nkrumah University into 4 schools:

• School of Natural Sciences plus departments give:

1. Life Sciences
2. Physical Sciences
3. Mathematics den Statistics
4. Physical Education

• School of Business Studies plus departments give:

1. Computing den Communication Technologies
2. Accounting, Economics den Finance
3. Marketing den Management Studies

• School of Education plus departments give:

1. Psychology den Sociology
2. Educational Administration den Policy Studies
3. Languages den Social Sciences Education
4. Mathematics den Science Education
5. Special Education

• School of Social Sciences plus departments give:

1. Social Sciences
2. Languages
3. Religious Studies
4. Linguistics

Governance

De University Senate dey run de university under de supervision of de University Council. Der be four schools namely; de school of Natural Science, de school of Business Studies, de school of Humanities den Social Sciences, den de school of Education. Der be two institutes; Institute of Open den Distance Learning, den de Centre for Information den Communication Technology.

Care Taker Committee of Kwame Nkrumah University compose of Dr. Yusuf Ahmed (chairperson), Mrs. Sherry Anne Thole (Vice Chairperson), Dr. Christopher Mazimba, Dr. Elizabeth Nkumbula, Mr. Felix A. Nkandu, Dr. Phoebe Albina Bwembya, Hon. Susan B. Kawandami, Permanent Secretary Ministry of Higher Education, Permanent Secretary Ministry of Finance (Budget). Prof Hellicy Ng'ambi Vice Chancellor den Dr. Judith C.N.Lungu (Deputy Vice Chancellor) of Kwame Nkrumah University.

Oda facilities

• De University Guest House den Lodge.

Student life

Activities

• Sports
• Community service

Press den radio

Nkrumah Times Nkrumah University media

Students residences

• Mulungushi hostel (gents)
• Luapula hostel (gents)
• Kafue hostel (gents)
• PAID-ESA hostels (gents)
• Liseli hostel (females)
• Chimwemwe hostel (females)
• Zambezi hostel (females)
• Luangwa hostel (females)
• Peririntwaya hostel (females)

Affiliations

Nkrumah be fresh member of de Association of African Universities, de Association of Commonwealth Universities, Football Association of Zambia den de International Association of Universities.

External links

• Website of Kwame Nkrumah University