Louis Ferdinand Antoni
Louis Ferdinand Antoni (15 November 1872, Bastia – 14 December 1940, Algiers) na he be French Orientalist painter den sculptor.
| Ein sex anaa gender | male  |
|---|---|
| Country wey e be citizen | France |
| Name wey dem give am | Louis |
| Family name | Antoni |
| Ein date of birth | 15 November 1872 |
| Place dem born am | Bastia |
| Date wey edie | 14 December 1940 |
| Place wey edie | Algiers |
| Spouse | Marie Gautier |
| Languages edey speak, rep anaa sign | French |
| Ein occupation | painter |
| Educate for | Beaux-Arts de Paris, Graduate School of Fine Arts of Algiers |
| Student of | Hippolyte Dubois, Léon Bonnat |
| Work period (start) | 1908 |
| Work period (end) | 1937 |
| Copyright status as creator | copyrights on works have expired |
Biography
editNot long after ein birth, ein family move from Corsica to Algeria. Der, he study for de Collège St-Charles insyd Blida, then for de Lycée insyd Algiers. Na he dey der for a short time per before he transfer to de Ecole des Beaux-Arts d'Alger, wer na he study plus Hippolyte Dubois. Insyd 1892, he obtain a scholarship wey enable am make he study insyd Paris; for de École nationale supérieure des beaux-arts, den insyd de studios of Léon Bonnat. Na ein primary artistic influences be Eugène Delacroix den de Impressionists.
After he lef Paris, he return to Algeria, wer he exhibit insyd de local salons, buh he sanso participate insyd showings for de Salon des Artistes Français. Insyd 1906, he marry de artist, Marie Gautier (c.1870–?), wey introduce am to de art of color engraving. Dis soon cam turn ein primary enthusiasm, wey he produce chaw etchings wey na dem publish insyd France. After dis, he exhibit exclusively plus de Société nationale des beaux-arts.
Insyd 1909, na dem award am a grant make he travel thru out French West Africa; wey he visit Guinea, Côte d'Ivoire, Benin, Senegal den Timbuktu, insyd de French Sudan. Na ebe a very busy, fruitful period wey produce chaw etchings den canvases. Dey follow dis trip, he return to Paris make he study fresco painting.
Insyd 1912, na dem appoint am Professor of Decorative Arts for ein alma mater, de École des beaux-arts, wey na he hold dat position til ein death. Two years later, he enlist as a soldier wey na he wound insyd battle, for wich na dem decorate am plus de Legion of Honor. After de death of Léon Cauvy, insyd 1933, he cam turn de École ein Director.
Dem fi see ein works for de Musée National des Beaux-Arts d'Alger, Ahmed Zabana National Museum, den de Musée du Luxembourg.
Sources
edit- Marion Vidal-Bué, Alger et ses peintres 1830-1962, éditions Paris Méditerranée, 2000 ISBN 978-2-8427-2095-7
- Elisabeth Cazenave, Les artistes de l'Algérie, Bernard Giovanangeli, éditions Association Abd-el-Tif, 2001 ISBN 978-2-916929-27-9
- Biography by Robert Randau @ the Cercle Algérianiste
External links
edit
- More works by Antoni @ ArtNet