Museum of Science and Technology (Accra)

Dem establish Museum of Science den Technology wey dey Accra, Ghana for 1963 insyd wey dem first open ein doors for 1965 insyd. De museum dey under administration of Ghana Museums and Monuments Board den de National Commission on Culture.

Museum of Science and Technology

science museum

Country	Ghana

Ein Background

Na de aim wey dem take establish museum be say ego create sam awareness of past den present developments for science den technology wey dey Ghana insyd. Two lecturers from University of Ghana present proposal give Kwame Nkrumah, wey na he be Ghana ein Presido for dat tym. Dem shut down de original museum building wey dem send de exhibits go de current building wey edey experience enormous delays for ein construction insyd.

Ein Location

De museum dey de heart of Accra. Ebe close plus de intersection for de east of Barnes Road den for de south of Liberia Road for Accra insyd. West of de museum be de University of Ghana Accra City Campus den for de north be de offices of de National Service Scheme den de Regional Coordination Council.

Dema Activities

Aside say edey display exhibits give de public, de museum dey contain sam library. Esana dey organise educational activities give school kiddies. For 2019 insyd, na sam Evolution of Science exhibition wey ebe Wellcome wey fund am wey de exhibition highlight activities wey dey relate plus health den space research.

Dema Opening hours

De museum usually dey gbele daily for week days from 9:00 am go 4:30pm. Esana dey charge gate fees.

External links

• Showing old closed building of the museum and yet to be open new museum
• A display of an old telephone at the Ghana Museum of Science and Technology in Accra
• Building of Museum of Science and Technology in Accra, 11 January 2017