Nadia Khiari
Nadia Khiari (Arabic: نادية خياري; born 21 May 1973) be a Tunisian cartoonist, painter, graffiti artist den art teacher. She be best known for ein chronicles den cartoon collections about de Arab Springs,[1] particularly for ein character 'Willis from Tunis', dem dub de "Cat of the Revolution" insyd same sources.[2]
| Ein sex anaa gender | female  |
|---|---|
| Country wey e be citizen | Tunisia, France |
| Name wey dem give am | Nadia |
| Ein date of birth | 21 May 1973 |
| Place dem born am | Tunis |
| Languages edey speak, rep anaa sign | Tunisian Arabic, French |
| Ein occupation | painter, comics artist |
| Field for work | art of painting |
| Award e receive | BBC 100 Women, Prix Couilles au cul, Chevalier des Arts et des Lettres, BBC 100 Women 2016: Who is on the list?, Honorary doctor of the University of Liège |
| Copyright status as creator | works protected by copyrights |
Academic background
editAcademically, Khiari be a graduate of de Faculty of Plastic Arts insyd Aix-en-Provence, France, wey she dey teach art for de Faculty of Fine Arts insyd Tunis.[3] Insyd 2013 she receive a degree as Docteur Honoris Causa from de University of Liège insyd Belgium.[1]
Artistic career
editApart from social media, na dem publish Khiari ein work insyd magazines such as Siné Mensuel, Courrier International den Zelium. For criticism of former Tunisian presido Ben Ali, she create a cartoon character of a cat dem name Willis. Insyd January 2011, she start de page Willis from Tunis[4] for Facebook top make she air ein feelings about de Arab Spring, wich attract over 56,000 followers insyd August 2021.[1] She confess say she dey draw "to take the heat off certain situations".[3] Secof de former regime ein strict policies of censorship den make she avoid make dem throw am into prison, na she be careful to "learn to trick, to suggest rather than to speak".[5] Na she say of ein artwork den de revolution: "For me it's not a job. It's a freedom. Like I'm being born. Before the revolution, I was a zombie. I think, but I cannot express myself. So I didn't feel like I was alive. With the revolution I was born, like a baby. My first screaming was my drawing. And now for me it's a revolution in my art, totally. I can finally express myself and say what I think and criticize the government. For me I can finally do my passion: cartoons."[6]
Aside from ein cartoons, dem sanso know Khiari for ein work as a graffiti artist.[5] As member of de association 'Cartooning for Peace', she sanso participate insyd French schools plus de programme "Dessine-moi la Méditerranée".[7] Insyd 2020, she publish ein book Willis from Tunis, 10 ans et toujours vivant! plus a foreword by French cartoonist Plantu.[8]
Recognition
editKhiari receive chaw acclaim for ein artwork. Na dem award am de Honoré Daumier Award during de Second International meeting of Cartooning for Peace insyd Caen (2012), de Political Satire International Award insyd Forte dei Marmi (2014), den de 2015 Agora Med Award for Intercultural Dialogue insyd de Mediterranean.[1] Insyd 2016, na dem name am one of de BBC ein 100 Women,[9] den insyd September 2016, she showcase ein work for de Le Monde Festival.[7]
References
edit- ↑ 1.0 1.1 1.2 1.3 "Willis from Tunis". Cartooningforpeace.org. Archived from the original on 20 December 2016. Retrieved 11 December 2016.
- ↑ "Nadia KHIARI : "Willis le chat fait la révolution en Tunisie"" (in French). TV5Monde. Retrieved 11 December 2016.
- ↑ 3.0 3.1 "Tunisian cartoonist Nadia Khiari: 'I draw to take the heat off certain situations' - video". The Guardian. 12 July 2012. Retrieved 11 December 2016.
- ↑ "WillisFromTunis". www.facebook.com (in English). Retrieved 2021-08-20.
- ↑ 5.0 5.1 "Nadia Khiari, des caricatures contre les dictatures". Le Monde (in French). 9 September 2016. Retrieved 11 December 2016.
- ↑ "Nadia Khiari's "Willis in Tunis": Born Again in Revolution". Radioopensource.org. Retrieved 11 December 2016.
- ↑ 7.0 7.1 "Cartooning for Peace" (in French). Retrieved 2021-08-20.
- ↑ Khiari, Nadia; Plantu (2020). Willis from Tunis, 10 ans et toujours vivant ! (in French). Tunis: Editions Elyzad. ISBN 978-9973-58-126-6. OCLC 1241074342.
- ↑ "100 Women 2016: Female Arab cartoonists challenge authority". 28 November 2016. Retrieved 11 December 2016.
External links
edit