Nana Ampadu

Nana Kwame Ampadu (31 March 1945 – 28 September 2021) be Ghanaian musician wey do plenty popular highlife tracks, he do over 800 songs, wey he be known as Adwomtofo Nyinaa Hene.

Nana Ampadu

human

Ein sex anaa gender	male
Country wey e be citizen	Ghana
Name in native language	Patrick Kwame Ampadu
Name wey dem give am	Nana, Kwame
Family name	Ampadu
Ein date of birth	31 March 1945
Place dem born am	Obo Kwahu
Date wey edie	28 September 2021
Place wey edie	University of Ghana Medical Centre
Date of burial or cremation	8 October 2022
Place wey dem bury am	Obo Kwahu
Significant person	Eddie Donkor
Languages edey speak, rep anaa sign	English, Twi
Ein occupation	musician
Employer	Ministry of Food and Agriculture of Ghana
Position ehold	vice president, general secretary, board member, committee member
Educate for	Abuakwa State College
Residence	Kokomlemle
Work period (start)	1963
Political party ein member	New Patriotic Party
Instrument	voice, guitar
Member of	Accra Hearts of Oak SC, Okwawu United
Genre	highlife

Ein music life

Dem form Ampadu hin "African Brothers Band" for 1963 inside. One of de people dem create am be Eddie Donkor.

Dem give am dat name sake of Kwame Nkrumah call for support for African unity. Later for 1973 inside, dem change de group name to African Brothers International Band.

Ampadu come make famous for 1967 inside de time wey he comot hin track Ebi Te Yie (or "Some dey enjoy"), a track wey National Liberation Council government make e disappear for de airwaves inside sake of edey disturb dem, but e san come back at de time wey military dey power. For 1973 inside, he chop some competition be for Ghana inside wey dem crown am Odwontofoohene, or "Singer-in-Chief".

Ein music career come join politics, wey he create some track give Jerry Rawlings NDC party so say dem go use am for dema 1992 election campaign. Ampadu san comot some track wey na he want disqualify Rawlings from de 1992 election sake of na he be half-Scottish.

Ein influence den achievements

Nana Ampadu roam plus S. K. Oppong Drama Group, wey dem perform concerts den short plays and programs for en band. Later nu, de group come change wey dem dey cast Osofo Dadzie, popular TV drama series wey dey Ghana for chao years. One of hin songs, Obra, come make de theme track for Obra, wey san be popular TV drama series for Ghana inside. He san rep de theme track for de national Operation Feed Yourself program wey be de military National Redemption Council sake of national food sufficiency.

Ein life matter

Dem born Ampadu for Obo Kwahu wey edey Eastern region for Ghana inside for 31 March 1945. De time dem born am na ein name be Patrick Kwame Ampadu wey ein poppie be Opanyin Kwame Ampadu den ein mummie be Mercy Afua Ntiriwaa, dem all comot from Obo Kwahu wey dey Eastern region for Ghana inside.

Ein awards

Nana Ampadu chop chaw awards for Ghana inside:

• Grand Medal for de Volta Civil Division for 1977 inside
• Odwontofoohene by de Arts Council of Ghana for 1973 inside
• de first ever National Dance Band Competition for 1972 inside

Ein death

Nana Ampadu die 28 September 2021 for Legon Hospital wey dey Accra inside. He chop 76 years.