Narhbita School of Nursing
De Narhbita School of Nursing be private tertiary health institution wey dey Tema for Greater Accra Region of Ghana. Dem establish am for de year 2008, you go fi trace de college go de Narh-Bita Clinic wey dem open for 1979. As de clinic develop say ego take greater responsibilities, dem upgrade go de status of hospital wey dem name am de Narh-Bita Hospital for 1987 insyd. De problem of shortage of health-workers, wey dey include nurses, move de proprietors of de hospital make dem establish School of Nursing so say dem go take feed Narh-Bita den oda health institutions.
| Year dem found am | 2008  |
|---|---|
| Continent | Africa |
| Country | Ghana |
| Edey de administrative territorial entity insyd | Accra |
| Ein location | Tema |
Ebe Nurses' den Midwives' Council for Ghana wey dey direct den supervise academic programme of de school, wey de University of Ghana be de mentor university. De need say dem go run chaw programmes for de health sector wey cause de change of name from School of Nursing go Narh-Bita College. De School of Nursing continue dey function as component part of de college. Under de umbrella of de college, de following be programmes wey dey feature: Diploma in Nursing, Medical Laboratory Technology, Advanced Diploma in Medical Assistantship den Certificate for Health Assistant Clinical (HAC).
"De College satisfy de operational conditions wey Registrar General's Department den de National Accreditation Board register am den accredit am respectively."
Genealogically, de Clinic give birth give de Hospital wey cam turn de School of Nursing, wey finally de college emerge as “great-grand child” of de Clinic. If you analyze de whole matter, you go fi talk say de desire say you go fi help solve de problem of shortage of health workers be de reasongive de establishment of de college. De various phases for de development of de institutions be de brainchild of Dr den Mrs Narh den few well-wishers, wey always dey assert say de innovations be de outcome of divine inspiration.
De college get able administrators, hard-working staff, both teaching den non-teaching, sam up-to-date library, sam computer laboratory den adequate equipment. Available facilities for de college der dey enhance teaching den learning, as students sana dey enjoy opportunities wey dey promote successful training career.[1][2] De college be de Tema Metropolitan Assembly.[3] Ebe de Ministry of Education wey dey supervise de activities of de institution. De University of Ghana dey awards sam Diploma in Nursing after say if students from de institution plete successfully sam three-year nursing training programme. Ebe National Accreditation Board wey dey accredit institution.[4] De Nurses den Midwifery Council (NMC) be de body wey dey regulate de activities, curriculum den examination of de college. De council ein mandate dey appropriate place under section 4(1) of N.R.C.D 117.[5]
References
edit- ↑ "Narhbita School of Nursing". www.narhbita.org. Archived from the original on 9 November 2018. Retrieved 11 August 2011.
- ↑ "List of Nursing Training Colleges". www.ghananursing.org. Archived from the original on 30 March 2012. Retrieved 11 August 2011.
- ↑ "Ghana Schools Online". www.ghanaschoolsonline.com. Archived from the original on 18 September 2011. Retrieved 11 August 2011.
- ↑ "Public Nurses' Training Colleges 2". www.nab.gov.gh. Archived from the original on 22 August 2011. Retrieved 11 August 2011.
- ↑ "GHANA TO TRAIN MORE NURSES FOR HER NEEDS AND EXPORT". www.modernghana.com. Retrieved 11 August 2011.