Rebecca Naa Dedei Aryeetey
Rebecca Naa Dedei Aryeetey (dem born am 1923 – wey she die 22 June 1961) san be known as Dedei Ashikishan be Ghanaian business woman, political activist den feminist. Na she be popularly known for ein flour business for Accra. She san be de woman wey dey Ghana 50 Pesewas coin top.[1][2]
| Ein sex anaa gender | female  |
|---|---|
| Country wey e be citizen | Ghana, Gold Coast Colony |
| Name wey dem give am | Rebecca |
| Family name | Aryeetey |
| Ein date of birth | 1923 |
| Place dem born am | Osu |
| Date wey edie | 22 June 1961 |
| Place wey edie | Ho |
| Manner of death | homicide |
| Cause of death | abdominal pain, poison |
| Significant person | Kwame Nkrumah |
| Languages edey speak, rep anaa sign | English, Ga |
| Ein occupation | businessperson, politician |
| Residence | Kokomlemle |
| Work location | Accra |
| Political party ein member | Convention People's Party |
Ein Early life
editDem born Rebeca Naa Dedei for 1923 insyd, for Osu wey she grow up for James Town, Accra. Ein mommy dey cam from Ga Asere wey poppy dey cam from Osu.[1][2]
Ein Career
editAs she plete ein primary education, Naa Dei enter flour business insyd. She cam get monies den influential for ein flour business insyd wey emake she earn de name ‘Ashikishan’, ebe Ga word wey dey mean "flour". Na she be known as de chief financier give CPP party wey she lead CPP women activities for ein house wey dey Kokomlemle - Accra. As na she be political activist give CPP, she campaign wey she fund Nkrumah den de CPP party wey she play sam significant role as na Ghana dey struggle get independence. She help Nkrumah plus monies wey help am win de Ashiedu Keteke legislative council seat wey esan help am make de first Prime Minister of Ghana.[1][2][3]
Ein Death
editEin closeness to Nkrumah make am enemy of rival political party wey ebe alleged say ebe ein lead to ein early death. She die tragically for CPP function be for Ho on de 22nd June 1961 at de age of 38. Ebe alleged say dem poison de political activist den feminist for de function as she take hot tea wey na she complain of stomach ache.[2][3]
Ein Honors
editDem name de double-decker buses wey Harry Sawyer take cam Accra plus ein name 'Auntie Dedei', she san get ein pic for national stamp den Ghana 50 pesewa coin top so say dem go take honour am.[3]
References
edit- ↑ 1.0 1.1 1.2 Amofa, Frank (April 2020). "Rebecca Naa Dedei Aryeetey, a woman whose image is on 50 Pesewas Coin – Her Profile And Death". Ghana News Punch. Archived from the original on 8 April 2020. Retrieved 10 May 2024.
- ↑ 2.0 2.1 2.2 2.3 "Rebecca Naa Dedei Ayitey: The lady on Ghana's 50pesewas and an Independence shero". Bra Perucci Africa. 7 April 2020. Retrieved 8 April 2020.
- ↑ 3.0 3.1 3.2 Tetteh, Nii Okai. "Rebecca Naa Dedei Aryeetey: The Illustrious Ga Woman Celebrated On The 50 Pesewas Coin - Kuulpeeps - Ghana Campus News and Lifestyle Site by Students". Retrieved 8 April 2020.