Rosamond Asiamah Nkansah
Rosamond Asiamah Nkansah (dem born am 13 January 1930 – wey she die 20 February 2021) be Ghanaian law enforcement officer wey dem enlist am as first woman for de Ghana Police Service, wey na ebe Gold Coast Police Force for dat tym insyd.[1][2]
| Ein sex anaa gender | female  |
|---|---|
| Country wey e be citizen | Ghana |
| Name in native language | Rosamond Asiamah Nkansah |
| Name wey dem give am | Rosamond |
| Family name | Nkansah |
| Pseudonym | Police Woman One |
| Ein date of birth | 13 January 1930 |
| Place dem born am | Obo Kwahu |
| Date wey edie | 20 February 2021 |
| Place wey edie | Police Hospital |
| Languages edey speak, rep anaa sign | English |
| Ein occupation | police officer, teacher, broadcaster |
| Employer | Ghana Broadcasting Corporation |
| Educate for | Wesley Girls' High School |
| Residence | Caprice, Ghana |
| Work period (start) | 1952 |
| Work period (end) | 1999 |
Ein Education
editShe attend Wesley Girls High School wey dey Cape Coast. Na she get Senior Cambridge den Teacher's Certificate 'A'.[3]
Ein Early life den Career
editShe join Gold Coast Police Force for September 1st, 1952 insyd as na she be 22 years.[4] She be de first one wey dem enlist togeda plus 11 oda women wey dem make am leader.[5][6] For dat tym insyd, policewomen no dey allow say you go marry anaa get pregnant, if eno be so, dem go force say make you resign. Before she resign, she petition de government so make dem allow policewomen marry den get kiddie, den san bring back menners wey resign secof dis same issue. Dem accept de petition wey dem abolish de condition wey dey prevent women wey no dey fit serve for long tym for the force insyd, secof marriage den pregnancy.[7][8] She resign for May 16th, 1958 insyd. After she resign she teach for St. John's Grammar School from 1961 go 1964 as professional teacher secof de certification wey she get before she join Gold Coast Police Force. She join Ghana Broadcasting Corporation for 1965 insyd wey she head de School broadcasting programs for one year.[9] She retire from active service for 1999 insyd so say she go focus mainly for ein books she dey rep. She san translate words for ein book (Octagon) go foreign den local languages insyd.[10]
Ein Death
editAsiamah die for Police Hospital wey dey Accra for Saturday evening, February 20, 2021 insyd.[11][12]
External links
editReferences
edit- ↑ "First Ghanaian policewoman now 90 years". Graphic Online. Retrieved 2020-03-17.
- ↑ Effah, K. (2020-01-13). "First-ever female police officer in Ghana turns 90; Ghanaians excitedly react". Yen.com.gh - Ghana news. Retrieved 2020-03-17
- ↑ https://www.theghanareport.com/meet-the-first-woman-to-join-the-gold-coast-police-force/
- ↑ https://web.archive.org/web/20210119053800/https://www.legit.ng/1312265-rosamond-asiamah-meet-ghanas-female-police-officer.html
- ↑ https://www.ghanaweb.com/GhanaHomePage/NewsArchive/Police-Ladies-Association-celebrates-Rosemond-Nkansah-first-Ghanaian-police-woman-847039
- ↑ https://www.myjoyonline.com/ghanas-first-ever-woman-police-recruit-passes-on/
- ↑ https://www.graphic.com.gh/news/general-news/ghana-news-first-ghanaian-policewoman-now-90-years.html
- ↑ https://www.graphic.com.gh/news/general-news/first-ghanaian-policewoman-passes-on-at-91.html
- ↑ https://web.archive.org/web/20200320101358/https://ghanaxtra.com/2020/01/the-struggles-of-the-first-policewoman-that-changed-the-face-of-policing-for-women.html
- ↑ https://web.archive.org/web/20200320101358/https://ghanaxtra.com/2020/01/the-struggles-of-the-first-policewoman-that-changed-the-face-of-policing-for-women.html
- ↑ https://www.modernghana.com/news/1063307/first-ghana-police-woman-rosemond-asiama-dies.html
- ↑ https://www.graphic.com.gh/news/general-news/first-ghanaian-policewoman-passes-on-at-91.html