Takoradi Technical University

Takoradi Technical University be public tertiary education institution (varsity) wey dey locate insyd Sekondi-Takoradi, de capital of de Western Region of Ghana. Na dem establish Takoradi Technical University as government technical institute insyd 1954 wey e cam turn part of de State Tertiary Education System. Later, after de passage of de Polytechnic Law of 1992 (PNDCL 321), dem replace am by de Polytechnics Law (Act 745) for 2007 insyd. Insyd 2016, de bill make e convert six out of de 10 polytechnics (wey dey include Takoradi Polytechnic) to fully fledged varsity dem receive de unanimous approval of Ghanaian legislators.

Takoradi Technical University

university

Year dem found am	1954
Short name	TTU
Motto text	Nsa na adwen ma mpuntu
Country	Ghana
Edey de administrative territorial entity insyd	Sekondi-Takoradi, Sekondi Takoradi Metropolitan District
Ein location	Sekondi-Takoradi
Coordinate location	4°54′34″N 1°45′22″W
Member of	Ghanaian Academic and Research Network, Association of African Universities
Dema official website	https://ttu.edu.gh/

Logo

De varsity logo dem intend make e capture de essence of technical den vocational education. De circular nature of de logo dey symbolize de completeness of de training den education nurture for Polytechnic. De motto emblazon around de edge dey read: "Adwen, Akoma na Nsa ma mpuntu" literally "De brain (mind), heart, den hands (skills) engender development."

De interior of de logo be open book set against red gear against yellow background. Dem intend de interior make e symbolize de technical den vocational education den training de varsity dey provide. De Adinkra symbol of "Ntesie" anaa "Mate masie" (literally, "I hear wey I keep am") be Ghanaian cultural symbol for learning, wich dey set for blue background top plus yellow waves wey dey represent de location of de institution near de sea.

De royal blue colour wey dey encircle de emblems for de logo insyd dey represent de global appeal of education den dat "de sky be de limit" give all students. De fire red colour dey symbolize hard work den personal sacrifices, wich dey underlie success for all endeavours insyd. De rich yellow colour dey encapsulate de wealth wey dey result from de application of de skills den knowledge acquire thru de unique education for de Takoradi Polytechnic.

History

Na dem establish de Takoradi Technical University insyd September, 2016 as result of de government ein policy make e convert Takoradi Polytechnic, among five oda polytechnics, go de status of Technical University. For effect, since April 1954, Takoradi Technical University (formerly Takoradi Polytechnic) exist as government technical institute under de Ghana Education Service of de Ministry of Education. During dat period, de institute offer programmes mainly for de Craft den Technician Certificate levels for commercial den technical subjects insyd, wey dey award de Royal Society of Arts (RSA) den City and Guilds of London, United Kingdom. However, insyd 1990, de Ghana Education Service take over de awarding of de above-mentioned certificates.

As part of de Ghana Educational Reforms, wich begin insyd de 1980s, na dem upgrade de Takoradi Technical Institute den five oda similar institutions by de Polytechnic Act 321 (PNDC Law 1993) make e cam turn part of de Ghana Tertiary Education System. De Polytechnics, per de law, begin make e offer Higher National Diploma (HND) programmers insyd de 1993/1994 academic year. Dese reforms mandate dat de polytechnics complement de role of de varsities make dem increase access to tertiary education give de training of middle- den higher-level manpower.

Dem pass bill dem propose by de Ministry of Education den consider by de Cabinet of Government for 2014 insyd by Parliament as an Act insyd August 2016 plus de assent of de Presido, wey convert sam polytechnics go full-fledged technical universities. For view of that, de Takoradi Polytechnic Council adopt de name "Takoradi Technical University," wich na duly register am plus de Registrar General's Department of Ghana. Currently, Takoradi Technical University get three (3) campuses: Effia Kuma (Takoradi), Butumagyebu (Sekondi), den Akatakyi (Agona-Nkwanta). De Akatakyi Campus be de largest of de three, plus acreage of 152.3.

Corporate partnerships

• De TTE Technical Training Group, UK technical training school insyd de oil den gas industries, announce major partnership insyd Ghana plus Tullow Oil make dem establish fresh training centre aim make e equip local technicians give work insyd de oil, gas, manufacturing, den mining industries. De then Minister of Education, Professor Jane Naana Poku-Agyemang commission $6 million Technical Training Centre insyd Takoradi Polytechnic make e train Ghanaian students for dese fields insyd for 21 June 2013. De centre, dem name "Jubilee Technical Training Centre," na dem co-sponsor by de Oil Jubilee Partners, Tullow Ghana Limited, Anadarko WCTP Company, Kosmos Energy, Ghana National Petroleum Company, den Sabre Oil/Gas Holding Limited. De centre be de first insyd West Africa make e offer diploma-accredited qualifications make e support industry den commerce insyd Ghana.
• As part of effort make e provide practical training give undergraduates as well as effort make e improve de institution ein business relationships, Accra Brewery Limited sign Memorandum of Understanding (MOU) plus Takoradi Polytechnic. De MOU, wich dey cover four-year period, dey allow students make dem learn for de brewery.

Awards den achievements

• Na dem nominate Takoradi Polytechnic as de Best Regional Polytechnic for Science den Education insyd by de Europe Business Assembly (EBA), vanity award. For statement insyd dem sign by EBA International Relations Manager Anna Gorobets, de award dey recognise de Polytechnic dey institute professionalism insyd teaching den learning, de quality of ein researchers, de introduction den realization of international programmes, den de institution ein contributions to national educational development. De statement add say dem go present de Rector of de Polytechnic plus award for de 'Best Manager of de Year' insyd de science den education field.

• Takoradi Polytechnic receive award secof ebe de best for examination ethics insyd Ghana for de year 2012 by de Exam Ethics Marshals International (EEMI). De Rector of dem sanso name de Polytechnic, Reverend Professor Daniel Agyapong Nyarko, honorary Exam Ethics Master Marshal for ein contribution towards he dey ensure transparency den integrity insyd de conduct of examinations.
• Dem rank Takoradi Polytechnic de first among polytechnics insyd Ghana for de second time running by de world universities ranking body, Webomatics, de largest public research body dem know for ein scientific methods insyd web ranking. De Polytechnic maintain ein 2012 first position among polytechnics insyd Ghana den place third insyd Sub-Saharan Africa, dem cam after Auchi Polytechnic den Yaba College of Technology.

External links

• Official website