Tamale Senior High School

 

Tamale Senior High School formerly Government Secondary School, Tamale, Gbewaa Secondary School, den more recently Tamale Secondary School be co-educational second cycle boarding school wey dey locate insyd Education Ridge, suburb of de Sagnarigu Municipality. Dem found de school insyd 1951 by de then British Colonial Authorities de first second cycle institution for de Northern Territories.

De school be selective school wey dey grant admissions to students Ghana base for dema results for de Basic Education Certificate Examination, students outside Ghana, based for special entrance examination prepare by de school. Courses wey de school offer be; Business, General Science, Home Economics, Technical, General Arts, den Visual Arts.

Tamale Senior High School be consider amongst institutions of de highest prestige insyd Ghana, due to longstanding history predating independent Ghana, den it prominent alumni. De school fi count amongst dema rank; head of State,  two vice presidents of de fourth republic of Ghana, a speaker of parliament, two Justices of de Supreme Court for Ghana insyd, two Chiefs of Defence Staff, den host of government ministers den members of parliament.