University of Mauritius
De University of Mauritius (UoM) be de national varsity of Mauritius. Ebe de oldest den largest varsity insyd de country in terms of student enrollment den de curriculum dem offer. De public varsity ein main campus dey locate for Réduit, Moka.
.jpg)
| Year dem found am | 1965  |
|---|---|
| Country | Mauritius |
| Edey de administrative territorial entity insyd | Moka |
| Coordinate location | 20°14′2″S 57°29′49″E |
| Member of | Agence universitaire de la Francophonie, Association of African Universities |
| Tym dem start | 1965 |
| Dema official website | http://www.uom.ac.mu |
| Item dem operate | Mauritius Radio Telescope |
.jpg)
History
editNa dem officially establish de University of Mauritius by de University of Mauritius Ordinance insyd December 1965,[1] wey dey incorporate de existing School of Agriculture.[2] Insyd 1971, de University of Mauritius Act further define de objectives, powers, functions den structure of de varsity.[3][4] For 24 March 1972, Her Majesty Queen Elizabeth II, accompany by His Royal Highness Prince Philip, Duke of Edinburgh, inaugurate de University of Mauritius.[3][5] Na de first chancellor of de varsity be Her Royal Highness de Princess Alexandra, de Honourable Lady Ogilvy.
Organisation
editFaculty of Agriculture
editDe Faculty of Agriculture be de oldest faculty of de varsity. Na dem found am insyd 1914 as de School of Agriculture, den insyd 1966 dem incorporate am into de newly establish University of Mauritius. De Faculty of Agriculture dey operate de UoM Farm, open laboratory of 8.5 hectares (21 acres).[3]
De faculty dey comprise two departments: Agricultural & Food Science; den Agricultural Production & Systems. As of 2015, e get 415 students den 21 full-time academic staff.[3]
Faculty of Engineering
editNa dem originally establish de Faculty of Engineering as de School of Industrial Technology insyd 1968. Edey comprise five departments: Applied Sustainability den Enterprise Development; Chemical den Environmental Engineering; Civil Engineering; Electrical den Electronic Engineering; den Mechanical den Production Engineering. As of 2015, e get 2,665 students den 94 full-time academic staff.[3]
Faculty of Information, Communication den Digital Technologies
editDem set up Faculty of Information, Communication den Digital Technologies (FoICDT) make e essentially respond to de significant human resource needs, for terms of quantity den quality insyd, of de country make e make Information den Communication Technology (ICT) sector de main pillar of de economy.
Faculty of Law & Management
editNa dem create de Faculty of Law & Management for 1993 insyd, wen na dem restructure de former School of Law, Management den Social Studies. Edey comprise three departments: Finance den Accounting; Law; den Management. As of 2015, e get 3691 students den 51 full-time academic staff.[3]
Faculty of Ocean Studies
editDe Faculty of Ocean Studies be de youngest den smallest faculty. Na dem establish am insyd 2014 wey edey comprise three departments: Marine den Ocean Science, Fisheries den Mariculture; Ocean Engineering den ICT; den Maritime Trade den Finance. As of 2015, e get 13 students den 10 full-time academic staff.[3]
Faculty of Science
editDem found de Faculty of Science as School of Science insyd 1988. Edey comprise six departments: Biosciences; Chemistry; Health Sciences; Mathematics; Medicine; den Physics. As of 2015, e get 1,135 students den 52 full-time academic staff.[3]
Faculty of Social Studies & Humanities
editNa dem establish de Faculty of Social Studies & Humanities insyd 1993, wen na dem restructure de former School of Law, Management den Social Studies. Edey comprise five departments: Economics den Statistics; English Studies; French Studies; History den Political Science; den Social Studies. As of 2015, e get 2,039 students den 68 full-time academic staff.[3]
Centres
editFor addition to de six faculties, de University of Mauritius sanso dey include Centre for Innovative Lifelong Learning (CILL),[6] Centre for Information Technology & Systems (CITS)[7] den Centre for Biomedical den Biomaterials Research (CBBR).[8]
Students’ Union
editDe students wey dey run de Students’ Union wey edey represent dema interests. All students be automatically members of de Students’ Union, dem include de membership fee for de registration fee insyd.[9]
Notable alumni
edit- Audrey Albert, artist den photographer
References
edit- ↑ "History of the University". Retrieved 2016-10-15.
- ↑ Reisz, Matthew (2016-10-06). "Branching out in Mauritius". Times Higher Education. Retrieved 2016-10-15.
- ↑ 3.0 3.1 3.2 3.3 3.4 3.5 3.6 3.7 3.8 "University of Mauritius Fact Sheet 2015" (PDF). Retrieved 2016-10-15.
- ↑ "The University of Mauritius Act, 1971" (PDF). Retrieved 2016-10-15.
- ↑ "History". University of Mauritius. Archived from the original on 2012-01-25. Retrieved 2012-06-23.
- ↑ "Centre for Innovative Lifelong Learning". University of Mauritius. Retrieved 2016-10-16.
- ↑ "Centre for Information Technology & Systems". University of Mauritius. Retrieved 2016-10-16.
- ↑ "Centre for Biomedical and Biomaterials Research". University of Mauritius. Retrieved 2016-10-16.
- ↑ "University of Mauritius Students' Union". Retrieved 2016-10-17.
External links
editWikimedia Commons get media wey dey relate to University of Mauritius.