Zewail City of Science, Technology and Innovation

Zewail City of Science, Technology and Innovation be nonprofit, independent institution of learning, research den innovation. Na dem propose de concept of de City insyd 1999 wey dem lay ein cornerstone for January 1, 2000. After numerous delays, dem revive de project by de Egyptian cabinet ein decree for May 11, 2011 wey dey follow de January 25 Revolution. De Cabinet label am National Project for Scientific Renaissance wey dem name am Zewail City of Science and Technology. Zewail City of Science and Technology plus ein three constituents – de varsity, research institutes, den technology park.

Zewail City of Science, Technology and Innovation

academic institution, organization, university

Year dem found am	2012, 2011
Country	Egypt
Edey de administrative territorial entity insyd	6th of October City
Coordinate location	29°56′22″N 31°3′54″E
Dema official website	https://www.zewailcity.edu.eg/

History

Dem lay de cornerstone of Zewail City of Science and Technology for January 1, 2000 insyd de Sheikh Zayed District of 6th of October City, Giza. Present for de ceremony be Ahmed Zewail, then Prime Minister Atef Ebeid, den number of ministers wey dey include Ahmed Nazif, wey he later cam be involve for ein capacity as Prime Minister.

After many delays insyd de City ein establishment, de January 25 revolution insyd 2011 lead to de revival of de initiative, wey dem biz Ahmed Zewail by de Egyptian government make he form de Supreme Advisory Board den re-launch de initiative for ein original site. For May 11, 2011 de Cabinet of Ministers issue decree make dem establish de National Project for Scientific Renaissance, wey dem name am Zewail City of Science and Technology. Na dem officially inaugurate de City for November 1, 2011 insyd two buildings wey dey belong to de Egyptian government for de Sheikh Zayed premises. Na dem establish de final legal status wen na dem grant de City law wey dey outline de City ein aims den constituents, as well as ein financial den administrative structures.

Insyd March 2015, Samih Sawiris donate 100 million Egyptian pounds to de City.

Research institutes

Zewail City of Science and Technology currently get seven research institutes plus further plans make e increase dis number go twelve. De main intention of de city be make e cover all scientific fields dem require give development of de Egyptian society. De current institutes be:

Helmy Institutes for Medical Sciences (HIMS)

• Center for Aging den Associated Diseases (CAAD)
• Center of Excellence for Stem Cells Research den Regenerative Medicine (CESC)
• Center for Genomics (CG)

NBE Institute for Nanoscience den Informatics (INI)

• Center for Nanotechnology (CNT)
• Center for Nanoelectronics den Devices
• Center for Materials Science

Institute for Imaging den Visualization (IIV)

• Center for Imaging den Microscopy
• Center for X-Ray Determination of de Structure of Matter

Institute for Basic Sciences (IBS)

• Center for Fundamental Physics (CFP)

Institute for Energy, Environment den Space (IEES)

• Center for Photonics den Smart Materials (CPSM)

Institute for Economics den Global Affairs(IEGA)

• Talaat Harb Center for Economics den Development (THC)

Institute for Virtual Education (IVE)

• Center for Learning Technologies (CLT)

Expansion plans

Former Egyptian presido Adly Mansour issue decree for April 9, 2014 wey dey grant 198 acres to Zewail City for de construction of de fresh campus insyd de October Gardens of 6 October City. Insyd March 2015, presido Abdel Fattah al-Sisi decree say make dem build de fresh campus by de Engineering Authority of de Egyptian Armed Forces wey dem inaugurate am insyd one-year time frame. Zewail City ein University of Science and Technology and Research Institutes now be fully operational for de fresh campus as four building dem plete (Helmy-Nano-Service-Academic). De headquarters sanso be fully functional insyd Cairo ein Garden City. Further plans dey include de possibility of make dem gbele anoda campus give de city insyd de New Suez Canal region during de years wey dey cam.