Christine Girard
Christine Girard (born January 3, 1985)[1] be Canadian weightlifter wey komot Rouyn-Noranda, Quebec (currently dey live insyd Gatineau, Quebec). She dey compete insyd de 63 kg division. Na Girard be de first Canadian female make she win medal insyd weightlifting wen she win gold for de 2012 London Olympics. She sanso win Commonwealth Games den Pan American Games titles insyd ein weight class wey na she win multiple medals insyd each of those competitions. She dey zuk de Commonwealth games record den de Pan-American Games record insyd de Clean den Jerk.
| Ein sex anaa gender | female  |
|---|---|
| Country wey e be citizen | Canada |
| Name wey dem give am | Christine |
| Family name | Girard |
| Ein date of birth | 3 January 1985 |
| Place dem born am | Elliot Lake |
| Ein occupation | weightlifter |
| Residence | White Rock |
| Sport | weightlifting |
| Participant insyd | 2008 Summer Olympics, 2012 Summer Olympics |
Career
editWeightlifting cam turn passion give Girard den ein three sistos wen dem move go Quebec. She begin training early wey she enter ein first provincial competition wen na she be 12.[2] Girard cam turn member of de national team insyd 2001 for de age of 16 wen she compete insyd Greece. Insyd 2002, she win bronze medal for de Commonwealth Games wich she improve upon insyd 2006 plus silver. For de 2006 University World Championships she win de bronze medal.[1] She next win silver for de 2007 Pan American Games. Girard then fini 8th for de 2007 World Weightlifting Championships plus total of 221 kg. Girard then enter de 2008 Summer Olympics, she improve upon dis by she fini fourth, plus total of 228 kg den 3 kg away from a medal.[1]
Girard build upon dese achievements by she finally win crown as champion wen she win de gold medal for de 2010 Commonwealth Games insyd Delhi wey she plete ein Commonwealth Games medal collection. En route to she win ein gold, Girard set Commonwealth Games record insyd de snatch at 105 kg, insyd de clean den jerk she add additional 130 kg for total of 235 kg wich na dem sanso be Commonwealth records.[3] Girard next conquer de 2011 Pan American Games wen na she win de gold insyd ein weight class insyd Guadalajara.[4]
For de 2012 Summer Olympics, Girard participate insyd de women's 63 kg. She fini fourth insyd de snatch portion, then second insyd de clean den jerk, she lift 133 kg. Ein total of 236 kg put am third, behind Maiya Maneza den Svetlana Tsarukayeva.[5][6] She cam turn de first Canadian woman, den third Canadian overall, make she win medal insyd weightlifting.[7] Girard say dat na winning de Olympic medal be one of ein top two best moments for life insyd, "It is very hard to describe how I feel. Four years ago in Beijing I came fourth, and since then I have spent the past four years training through injuries and various changes in my life to get to this moment. All I have been thinking about is getting on the podium. Now I have reached it. It feels good. I should say my wedding comes close, but this is completely different.[8]
Insyd July 2016, de International Weightlifting Federation (IWF) report say de IOC dey reanalyse samples dem take insyd 2012 dem uncover prohibited anabolic agents insyd both de gold medallist den silver medallist.[9] Na dem comfirm dese insyd 2018, wey make Girard de first Canadian gold medallist insyd female weightlifting since ein introduction insyd 2000. Na dem confirm dis insyd April 2018.[10]
After reanalysis of de 2008 Beijing Olympics insyd August 2016, de IWF report say silver medallist na Irina Nekrassova use substance dem prohibit.[9] Na dem confirm dis insyd 2018 wey dem award Girard bronze medal, wey dey precede ein previous standing of first female Canadian weightlifting medallist to 2008.[11] Girard receive both de Beijing bronze den London gold medals for ceremony insyd Ottawa for December 3, 2018.[12]
Insyd October 2019, na dem induct Girard into de Canadian Olympic Committee ein Hall of Fame.[13]
Insyd July 2020, na dem induct Girard into de Pan-American Weightlifting Federation ein Hall of Fame.[14]
Insyd February 2023, na dem name Girard Chef de Mission for Team Canada for de 2023 Pan-American Games insyd Santiago, Chile.[15]
Coaching
editGirard begin dey coach oda athletes insyd weightlifting after ein move to BC while na she dey prepare for de 2012 Summer Olympics. Upon ein return from de Olympic Games, Girard begin dey coach insyd greater capacity. She start ein own weightlifting club – de Kilophile Weightlifting Club – wey dey offer coaching services to oda fitness centres notably insyd Crossfit Gyms.
Anti-Doping Advocacy
editGirard be involved insyd anti-doping advocacy work for both de domestic den international level. Girard be for de board of directors top for de Canadian Centre for Ethics in Sport,[16] de International Weightlifting Federation ein Anti-Doping Commission[17] wey ebe Education Ambassador plus de International Testing Agency.[18]
Ein life matter
editNa dem born Girard insyd Elliot Lake, Ontario buh she move plus ein family to Rouyn-Noranda, Quebec insyd 1992 wen na she be seven.[2] She then move go White Rock, British Columbia insyd January 2010, before she return to Quebec insyd 2018, dis time she settle insyd de city of Gatineau insyd Canada ein National Capital Region.[2] Na weightlifting be family affair give Girard wey ein family continue dey hold provincial den local roles for de sport insyd Quebec.[2] For June 11, 2011 she marry ein coachie Walter Bailey. She get three kiddies.[2]
Occupational Therapy
editInsyd 2021, Girard receive ein Masters of Health Sciences Degree insyd Occupational Therapy from de University of Ottawa. Girard be practicing Occupational Therapist,[19] wey she register plus de College of Occupational Therapists of Ontario den Association canadienne des ergothérapeutes.
References
edit- ↑ 1.0 1.1 1.2 "GIRARD Christine ---- 03.01.1985---- CAN". iwf.net. 2010. Archived from the original on May 27, 2011. Retrieved September 9, 2024.
- ↑ 2.0 2.1 2.2 2.3 2.4 "Christine Girard Profile". Archived from the original on October 16, 2013. Retrieved July 31, 2012.
- ↑ "Girard wins Canada's 2 weightlifting gold". CBC Sports. July 31, 2012.
- ↑ "Pan Am Games: Canadian Trail". CBC Sports. October 30, 2011. Retrieved July 31, 2012.
- ↑ "Canadian Girard Wins Bronze in 53kg Weightlifting". CTV Olympics. July 31, 2012. Retrieved July 31, 2012.
- ↑ "Canadian weightlifter Christine Girard wins bronze". Retrieved July 31, 2012.
- ↑ "Girard makes history, wins Canada's first Olympic weightlifting medal". Winnipeg Free Press. July 31, 2012.
- ↑ Rosie DiManno (July 31, 2012). "London 2012: Canada's three bronze medals costly for Olympic hosts: DiManno". Toronto Star.
- ↑ 9.0 9.1 PUBLIC DISCLOSURES | International Weightlifting Federation. Iwf.net. Retrieved on October 21, 2016..
- ↑ "Canadian weightlifter gets 2012 Olympic gold after top 2 stripped of medals - CBC Sports". Retrieved April 19, 2018.
- ↑ "Christine Girard Olympic Profile". Retrieved April 19, 2018.
- ↑ Schmunk, Rhianna (December 3, 2018). "Years after being denied by doping cheats, weightlifter Christine Girard receives Olympic medals". CBC News. Retrieved June 26, 2019.
- ↑ "Canadian Olympic Hall of Fame Class of 2019 unveiled". Team Canada - Official Olympic Team Website. Retrieved May 9, 2022.
- ↑ "The Pan American Weightlifting Federation – Hall of Fame 2020". International Weightlifting Federation. July 28, 2020. Retrieved July 31, 2024.
- ↑ "Christine Girard named Team Canada's Chef de Mission for Santiago 2023". Team Canada - Official Olympic Team Website. Retrieved July 31, 2024.
- ↑ "Governance | Canadian Centre for Ethics in Sport". cces.ca. Retrieved May 9, 2022.
- ↑ "Commissions". Retrieved May 9, 2022.
- ↑ International Testing Agency-Christine Girard OLY". International Testing Agency. Retrieved May 9, 2022.
- ↑ "Performance Through Wellness Performance Mieux-Être | Occupational Therapy Gatineau | 745 Chemin d'Aylmer, Gatineau, QC, Canada". Performance Through. Retrieved July 31, 2024.
External links
editWikimedia Commons get media wey relate to Christine Girard.
- Official website at de Wayback Machine (archived August 4, 2018)
- Christine Girard at de International Weightlifting Federation
- Christine Girard at de Commonwealth Games Federation (archived)
- Christine Girard at Team Canada
- Christine Girard at Olympics.com
- Christine Girard at Olympedia
| Olympic champions insyd weightlifting – Women's Middleweight | |
|---|---|
|
| Commonwealth Games Champions insyd Weightlifting – Women's Light Heavyweight | |
|---|---|
|
| Pan American Champions insyd Weightlifting – Women's Middleweight | |
|---|---|
| 63 kg (1999–2015) · 64 kg (2019–) | |
|