Fante people

De Mfantsefo anaa Fante ("Fanti" be old spelling) be Akan people. De Fante people be mainly dey cam from de Central den Western coastal regions of Ghana. Ova de last half century, secof fishing expeditions, Fante communities dey as far as The Gambia, Liberia den even Angola. Major Fante cities for modern Ghana dey include Kasoa, Winneba, Agona Swedru, Tarkwa, Oguaa (Cape Coast), Edina (Elmina), Mankessim, Sekondi den Takoradi.

Fante people

ethnic group

Part of	Akan people
Country	Ghana, Ivory Coast
Ghana Place Names URL	https://sites.google.com/site/ghanaplacenames/peoples-states/akan#h.n186rrvglasx

Lyk all Akans, dem originate from Bono state. Originally, dem refer "Fante" go "de half wey lef" den break away from oda Akans den initially settle for Mankessim. Sam of de states wey dey make up de Fante be Agona, Ahanta, Kurantsi, Abura, Anyan, Ekumfi, Nkusukum, Ajumako den Gomoa. De Fante, lyk oda Akans wey relate, dey trace dema roots go de ancient Sahara for de Old Ghana Empire. De Fante then migrate south go modern-day Techiman for de Brong Ahafo region. From hie nu wey, legend dey talk say, dema three great leaders – Oson, Odapagyan den Obrumankoma – lead dem south wey dem separate from oda Akans, go Mankessim.

Notable Fante people

De Fante produce chaw illustrious den prominent people for Ghana insyd, notable among whom be:

• Kofi Annan (former UN Secretary General);
• Jacob Wilson Sey (first indigenous multimillionaire for de Gold Coast); British journalist den writer
• Ekow Eshun; Ottobah Cugoano (abolitionist den natural rights philosopher),
• Sam Jonah (ex-CEO of AngloGold Ashanti);
• John Atta Mills, (former presido)
• Joseph W.S. de Graft-Johnson,
• Kow Nkensen Arkaah
• Kwesi Amissah-Arthur (former vice-presido)
• Peter Turkson (first Ghanaian Cardinal for de Roman Catholic Church)
• John Mensah Sarbah,
• James Kwegyir Aggrey,
• Ottobah Cugoano (Fante-British Slave Abolitionist),
• Chief Takyi (leader of Jamaican slave revolt),
• Paa Grant (founding father for de UGCC)
• J. E. Casely Hayford
• Sir Knight Joseph Panford, de Fante Chief for Koforidua, Eastern Region insyd, wey represent de entire Catholic Church of Ghana, for Rome insyd wey he meet Pope John Paul I wey he knight am
• Joseph Ellis den Joseph Biney, both discover de gold deposits for 1897 insyd wey situate for Obuasi for de Ashanti region insyd;
• Pedro Alonso Niño (1468–c. 1505) black navigator, sanso know am as El Negro ("De Black"), Spanish-born of African descent, wey sail plus Christopher Columbus across de Atlantic for 1492 insyd. wey na ein puppie be Fante seaman wey komot Elmina. He explore de coasts for Africa for ein early years. He pilot one of Columbus ein ships for de expedition of 1492, wey he accompany am during ein third voyage wey see de discovery of Trinidad den de Orinoco River ein mouths.

Family names

One of de social contexts of names among de Akans, dey include de Fante, be say dem use as social tags take indicate personal den group identity. Dis be so plus family names dem derive from 12 Ntoro patrilineal clans of de poppies wey dem dey take give kiddies. Each of de 12 Ntoro patrilineal clans get ein peculiar family names. Ebe thus possible make one trace ein name go ein patrilineal clan. Kiddies wey dey trace dema genealogy go one patrilineal puppie fi share similar family names. Typical family names dey include Yankah, Osam, Aidoo, etc. Dem sanso get innovations secof westernization, education den foreign religion, plus chaw names dem develop out of dis phenomenon. Dem translate sam Fante names literally go English wey dem endure as family names. Since de Fantes by virtue dem dey live for de coast wey dem be first wey dem cam contact plus de Europeans wey dem trade, intermarry den live plus dem for ova 400 years, ebe inevitable say among de Fante names show grater degree of western influence compare plus tribes for de hinterland insyd. Examples of such anglicised transformational name be:

• Dua (lit tree/board) – Wood
• Kuntu (blanket ) – Kuntu Blankson ein kiddie
• Kumi ba (child of Kumi) – Kumson anaa Koomson
• Kwei ba (child of Kwei) – Quayson, Quayeson, Kweison anaa Kwaeson
• Akorɔma (hawk) – Hawkson
• Nyameba – Godson
• ɛbo (stone) – Rockson

Accordingly, dem go fi identify sam family names by de suffix, lyk:

• -son for Yawson insyd
• -ful, for Arkorful insyd
• -ney, for Biney insyd.

Naming system

Fantes dey use system wey dem dey give de first name to kiddie base for de day for de week wey dem born de kiddie:

Day	Male name	Female name
Dwowda (Monday)	Kodwo, Kojo, Joojo/Jojo	Adwoa/Adwowa, Ewuradwoa
Benada (Tuesday)	Kobina, Kobby	Abena, Araba, Ewurabena
Wukuda (Wednesday)	Kweku, Kuuku	Ekua, Kuukua, Ewurakua
Yawda (Thursday)	Yaw, Ekow, Kow	Aba, Baaba
Fida (Friday)	Kofi, Fiifi	Efua, Effie, Ewurafua
Memenda (Saturday)	Kwame, Kwamena, Ato	Ama, Ewurama, Amba
Kwesida (Sunday)	Kwesi, Siisi	Esi, Ewuresi/Ewuraesi

Dem go fi name kiddies according to de sequence wey dem born dem. De names dem give be:

Position	Male name	Female name
First	Piesi	Piesi
Second	Manu
Third	Mensa, Ansa	Mansa, Naana
Fourth	Anan	Maanan
Fifth	Enum	-
Sixth	Esia	-
Seventh	Esuon	-
Eighth	Awotwe	-
Tenth	Bedu	Beduwa

Dem san so fi name twins according to de sequence wey dem born dem. De names dem give be:

First twin	Second Twin
<Given day name> Payin	<Given day name> Kaakra

De next kiddie dem born immediately after de birth of de twins fi be name dem give, lyk:

Example male	Example female
Kojo Tewia anaa Kojo Tewiah	Ekua Tewia anaa Ekua Tewiah