Hope Africa University

Hope Africa University (HAU) na dem establish am insyd 2000 plus support from de Free Methodist Church insyd Karen, Kenya. E relocate go Bujumbura insyd December 2003. For dat time, e get 110 students. Dem consider am Burundi ein best private university wey e receive de most applicants per year. HAU be de largest den fastest growing private university insyd Burundi plus peak enrollment of 1,700 students prior to civic disruption insyd 2015. Since 2015, enrollment gradually dey recover plus large portion of de student body dey cam from surrounding Central African countries. Na HAU be presided by Sylvain Nzohabonayo til 2017 wen Dr. Victor Barantota, (PhD Special Education), succeed am as rector. Insyd 2020 dem rank HAU 4th of 7 universities insyd Burundi by University Guru. Chaw of Burundi ein religious, political den business leaders attend HAU, wey dey include Denise Bucumi Nkurunziza, de wifey of de former Burundi Presido Pierre Nkurunziza.

Hope Africa University

private university

Year dem found am	2000
Motto text	Toute vérité est vérité de Dieu
Country	Burundi
Edey de administrative territorial entity insyd	Bujumbura
Coordinate location	3°20′51″S 29°22′16″E
Dema official website	http://hopeafricauniversity.org/

HAU be Christian liberal arts university insyd Bujumbura, Burundi. Der be faculties of medicine, nursing, law, agriculture, amongst odas. Dem plan den equip de school of dentistry, buh as of 2020 e dey seek faculty make e oversee clinical didactic den practice supervision. Clinique Van Norman be 100+ bed hospital plus outpatient services dem establish insyd 2012 as part of de HAU complex.

Voice of Hope radio be local Bujumbura FM station wey dey operate since 2008 by de university wey dey provide further avenues for training insyd radio communication coursework for HAU. Mount Hope be extension campus of HAU for Gitega, wich be de official capital of Burundi, wer de nation ein parliament be seated. Dem dey expect de School of Agriculture program make e be headquartered den run from de Mt. Hope campus.