Sam Joseph Ntiro

Sam Joseph Ntiro (20 April 1923 – 1 January 1993) na he be artist den de first East African High Commissioner to de Court of Saint James insyd London from de then republic of Tanganyika Territory to de United Kingdom. He serve from independence insyd 1961 til 1964. Na he sanso be Ambassador of Tanganyika to Ireland during dis period.

Sam Joseph Ntiro

human

Ein sex anaa gender	male
Country wey e be citizen	Tanzania
Name in native language	Sam Joseph Ntiro
Name wey dem give am	Sam
Family name	Ntiro
Ein date of birth	20 April 1923
Date wey edie	1 January 1993
Spouse	Sarah Ntiro
Native language	Swahili
Languages edey speak, rep anaa sign	English, Swahili
Ein occupation	politician, diplomat, painter
Has works in the collection	Museum of Modern Art, Yale University Art Gallery, Abbot Hall Art Gallery, Bristol City Museum and Art Gallery
Copyright status as creator	works protected by copyrights

Early life den education

Na dem born am insyd de Machame area of Hai District, de village of Ndereny, de Parish of Nkuu. Dis dey insyd de Kilimanjaro Region of Northwest Tanzania for de slopes of Mount Kilimanjaro top insyd Tanzania. Professor Ntiro attend Ndereny Nkuu Primary School wey he get ein Junior Secondary den Senior Secondary Education at Old Moshi Secondary School insyd de Marangu area. Thru out ein life Professor Ntiro speak fluent English, Swahili, Kimachame den Kimarangu. He get a working knowledge of Runyoro, Luganda, French, German den Italian.

Sam Joseph Ntiro get ein tertiary education at Makerere College of de University of East Africa, wey na then ebe affiliated to de University of London, wer he study Art den Education. He do postgraduate work for de Slade College of Fine Art, University of London.

Career

Na he teach at Makerere College (now Makerere University), Kyambogo Technical Institute (now Kyambogo University) den de University of Dar es Salaam, wer na he help establish de Department of Music, Arts and Culture. Insyd Dar es Salaam na he be Resident Artist, Senior Lecturer wey na for ein retirement associate professor. He do research insyd de United States of America, insyd de 1970s at Dillard & Xavier Universities insyd New Orleans, Louisiana den insyd de 1980s at de University of Wisconsin at Madison insyd both areas of Fine Art den African Studies. He sanso serve as an external examiner for Fine Art, Art History den sometimes History, Geography insyd Kenya, Uganda, Tanzania, Malawi, Zambia, Zimbabwe, de United Kingdom, de US, Canada, Ghana den Nigeria.

Between Kyambogo den Dar es Salaam from 1967 to 1973, na Ntiro be Commissioner of Culture give de Government of de United Republic of Tanzania. Na de department be first insyd de Ministry of Education wey then dem move to de Ministry of National Culture and Youth.

Insyd ein long den distinguished career, na he be a fine artist den painter, a diplomat, public official, a civil servant, den an academic. He travel extensively wey he exhibit ein works of art thru out de world.

Ein life matter

He marry Evangeline Sarah Nyendwoha, a Ugandan (Uganda den East Africa ein first woman University Graduate), insyd 1958, wey na dem get two sons, Joseph den Simbo (1961–2008).