University of Bamako

De University of Bamako na ebe de flagship public university insyd Bamako, de capital of Mali between 1996 den 2011. Na dem sanso know am as de University of Mali. Na dem establish de university legally insyd 1993 by de merger of existing institutions of higher learning while e cam turn operational insyd 1996.

University of Bamako

university

Year dem found am	1996
Country	Mali
Edey de administrative territorial entity insyd	Bamako
Ein location	Bamako
Member of	Association of African Universities
Date dem dissolve, abolish anaa demolish	2011
Dema official website	http://www.ml.refer.org/u-bamako/index.php

De University of Bamako, whose enrollment reach 80,000 students insyd 2010-2011, na den replace am by 4 fresh independent universities: de University of Social Sciences and Management of Bamako (USSGB), de University of Letters and Human Sciences of Bamako (ULSHB), de University of Sciences, Techniques and Technologies of Bamako (USTTB) den de University of Legal and Political Sciences of Bamako (USJPB) as well as de fresh school dem bell École Normale d'Enseignement Technique et Professional.

History

Dem gbele am insyd 1996, na de university bring together nine campuses across de city. Na dem create de institution by Law 93-060 of September 1993, buh dem no launch an til November 1996. Na ebe til 2000 dem put in place first campus-wide structures. Professor Ginette B. Siby be Recteur, de Chief Executive Officer of de university. Insyd 2000 na der be 19,714 students den 538 instructors for all nine campuses top. By 2007, de University of Bamako get more dan 60,000 students den about 600 instructors.

Main faculties

As of 2007, dem divide de university into five faculties den two institutes: De Science den Technology faculty (Faculté des sciences et techniques or FAST), De Medical faculty (Faculté de Médecine, de Pharmacie et d’Odento-Stamologie anaa FMPOS), de Humanities, Arts, den Social Science faculty (Faculté des Lettres, Langues, Arts et Sciences Humaines anaa FLASH), de Law den Public Service faculty (Faculté des Sciences Juridiques et Politiques FSJP), de Science of Economy den Management Faculty ("Faculté des Sciences Economiques et de Gestion" anaa FSEG, de Institute of Management ( "Institut Universitaire de Management" or IUG), den de Higher Training den Applied Research ("Institut Supérieur de Formation et de Recherche Appliquée" anaa ISFRA).

Foreign exchange

De University develop educational network plus foreign universities, especially those for Francophone nations insyd. One example be ein cosponsorship plus de University of Paris VIII of de Five Continents Open University project insyd 2005.

External links

• geekcorps universite de bamako initiatives plan, 2005.
• French Government paper of the structure of higher education in Mali (Forum Curie).
• TOKTEN (Transfer of Knowledge Through Expatriate Nationals): History of the University of Bamako/Mali.
• University website
• Regards Croises: France-Mali. A yearly academic conference in Bamako, cosponsored by Faculties of the Université de Bamako since 2002.
• l'Université ouverte des 5 Continents à Tombouctou.
• Recherches Africaines. Online version of the academic journal of the Faculté des sciences et techniques, Université de Bamako.
• Ministry of Education: Mali