Amina Benbouchta
Amina Benbouchta (dem born am 1963), be a Moroccan painter, photographer, den installation artist. Na she be educated insyd Canada den Paris, wey dem recognize am internationally for ein contemporary artworks wey dey concentrate for social issues top wey dey regard gender politics. Early insyd ein career na she head de fashion den culture magazine Les Aligés. Na she sanso be part of de Collectif 212 group of artists den curators wey dedicate demaselves to make dem dey support emerging contemporary art insyd Morocco.
| Ein sex anaa gender | female  |
|---|---|
| Country wey e be citizen | Morocco |
| Name wey dem give am | Amina |
| Ein date of birth | 24 December 1963 |
| Place dem born am | Casablanca |
| Native language | Berber |
| Languages edey speak, rep anaa sign | Arabic, Berber |
| Ein occupation | artist, sculptor, visual artist |
| Educate for | McGill University, École des Beaux-Arts |
| Collection | Censored |
| Dema official website | http://aminabenbouchta.com/ |
| Copyright status as creator | works protected by copyrights |
Education den work
editDem born am insyd Casablanca, Morocco insyd 1963, na dem raise Amina Benbouchta during de Years of Lead, under de reign of King Hassan II of Morocco, wich na dem note for ein state violence den political intolerance.[1] Na ebe during dis period wey Benbouchta ein career as an artist officially begin insyd 1986 after ein graduation from McGill University insyd Montreal, Canada, wer na she major insyd Anthropology den Middle Eastern Studies. Insyd 1988 den for de next two years, she audit art classes for de Ecole Nationale des Beaux Arts insyd Paris. Na dem show ein works insyd institutions around de world, from de Cairo Biennial (1993) to de National Museum of Women den de Arts insyd Washington DC, USA (1997), plus ein most recent group den solo shows wey dey take place insyd Rabat, Morocco. She primarily dey present either insyd Morocco, Spain, anaa France. She begin dey attend art fairs insyd 2008 insyd Marrakech, Morocco.[2]
During de 1990s Benbouchta head de fashion den culture magazine Les Alignés.[3] Na she sanso be de co-founder of Collectif 212, a group of curators den artists concern plus make dem dey support emerging contemporary art insyd Morocco. De members consist of Hassan Echair, Safâa Erruas, Jamila Lamrani, Imad Mansour, Myriam Mihindou, den Younés Rahmoun.[4]
Insyd 1997 she plete ein first residency for de Hôpital des Enfant Maladies, insyd Rabat, Morocco. Insyd 2004, she plete ein second residency for Musée de Marrakech/Maroc-France, expériences croisées insyd Marrakech, Morocco. Insyd 2008, she plete ein third residency for Castel de Denia insyd Denia, Spain.[2][5]
Thru ein paintings, installations, den photography she dey draw for ein anthropological studies background make e reflect for everyday objects top, de human, den ein cultural environment.[2] Ein focus dey insyd make she dey incorporate social issues wey dey regard gender politics into ein art.[6]
References
edit- ↑ Amine, Khalid (May 2016). "After the 'Years of Lead' in Morocco: Performing the Memory". New Theatre Quarterly (in English). 32 (2): 121–141. doi:10.1017/S0266464X16000038. ISSN 0266-464X.
- ↑ 2.0 2.1 2.2 "Sabrina Amrani Gallery - Artists | Amina Benbouchta". www.sabrinaamrani.com (in English). Retrieved 2020-04-22.
- ↑ "BENBOUCHTA | The Strength of Architecture | From 1998". www.metalocus.es. Retrieved 2020-04-22.
- ↑ "Collectif 212". universes.art (in English). Retrieved 2020-04-22.
- ↑ "'Down the rabbit hole' by Amina Benbouchta". Islamic Arts Magazine (in English). Retrieved 2020-04-22.
- ↑ "Amina Benbouchta - 50 Artworks, Bio & Shows on Artsy". www.artsy.net (in English). Retrieved 2020-04-22.