Wikipedia

Ahafo Region

administrative region for Ghana insyd

De Ahafo Region be fresh region wey dem create insyd Ghana plus Goaso as ein capital.[1][2] De region get administrative den governmental legislature lyk all de ten wey dey Ghana already. Dem carve de region out of de south-eastern part of de Brong Ahafo Region wey ebe in fulfillment of New Patriotic Party ein campaign promise. As dem dey go de 2016 Ghanaian general election, de den candidate Nana Akufo-Addo talk say if dem vote give am, he go see say he go create 6 new regions out of de already regions wey dey exist for Ghana insyd as dis be way he carry govament closer to citizens.

Ahafo Region
regions of Ghana
ContinentAfrica Edit
CountryGhana Edit
CapitalGoaso Edit
Edey de administrative territorial entity insydGhana Edit
Coordinate location7°0′0″N 2°27′0″W Edit
Dey share bother plusBono Region, Ashanti Region, Western North Region Edit
Map
Ahafo region wey dey Ghana map insyd
District map wey dey de Ahafo region insyd
Brong-Ahafo Region dema flag

De execution of plans for de creation, dem carry de plans give de newly created Ministry for Regional Reorganization den Development[3] wey dey under de leadership of Hon. Dan Botwe. Government of Ghana ministry charged wid de responsibility for supervising de creation of de new regions for Ghana.[4] insyd March 2017, de ministry carry de blue print for de creation of de region plus others to de Council of State. De Council met over 36 times from de time of submission to August 2017.[5] De final stage for de creation of de region dem decide am through referendum by de people wey dey de new region insyd on 27 December 2018.[6]

Major Towns

edit
Major Towns wey dey de Ahafo Region.
No. Settlement Population Population year
1 Mim, Ahafo 30,753 2017
2 Goaso 24,846 2017
3 Bechem 17,677 2013
4 Duayaw Nkwanta 16,541 2013
5 Techimantia
6 Kenyasi

Administrative divisions

edit

De political administration for de region insyd be through de local government system. As edey dis administration system under, dem divide de region into six MMDA's (made up of 0 Metropolitan, 3 Municipal den 3 Ordinary Assemblies).[7] Every District den Municipal Assembly, be administered by Chief Executive, wey dey rep de central government buh dem dey collect dema authority from Assembly wey ebe headed by presiding member elected from among de members demselves. De current list be as follows:

Districts wey dey de Ahafo Region[8]
# MMDA Name Capital MMDA Type Chief Executive Member of Parliament Party
1 Asunafo North Goaso Municipal Osei Yaw Boahen Evans Bobie Opoku NPP
2 Asunafo South Kukuom Ordinary Frank Aduse Poku Eric Opoku NDC
3 Asutifi North Kenyasi Ordinary Anthony Mensah Patrick Banor NPP
4 Asutifi South Hwidiem Ordinary Robert Mensah Dwomoh Collins Dauda NDC
5 Tano North Duayaw Nkwanta Municipal Ernest Kwarteng Freda Prempeh NPP
6 Tano South Bechem Municipal Collins Takyi Offinam Benjamin Yeboah Sekyere NPP

History

edit

Dem do referendum for 27 December 2018[9] wey dem approve de creation of Ahafo Region. Out of de total of 307,108 registered votes, 277.663 took part for de referendum wid 276,763 (99.68 per cent) voting give de creation of de new region. 675 (0.24 per cent) rejected de motion den 225 rejected ballots representing 0.08% of total votes cast.[10][11][12] Dem create de new region on 13th of February 2019 by Constitutional Instrument 114.[6] Dem announce Goaso say dat go be dema capital for de new region.

Economy

edit

Ahafo get plenty rich natural resources such as Gold, Diamonds, Timber etc. Gold deposit dey in large quantities for areas lyk Mim, Ahafo Kenyasi den Yamfo Areas. Newmont Gold Ghana Limited be one of de biggest mining companies for de world insyd, rydee dem get dema mining operations for Kenyasi den Yamfo Areas.

Ahafo be one of de forest belts for Ghana insyd, get plenty forest reserves. Timber industry be de second highest employer for de Region insyd. Dem get large den medium timber companies scattered across de Region insyd. Notable among dem be timber companies lyk Ayum Forest Products Co. Ltd.[13] Mim Exbo wood Co. Ltd, Ocean-wood Co. Ltd,[14] Supremo-wood processing Co LTD,[15] all dey Mim, Ahafo.

Ahafo Region dem known am to be bread basket for Ghana. Dema soil type for de region supports de production of both food den cash crops. De region be known for ein large cocoa den cashew productions.[16] De major agro-processing company for region insyd be Mim Cashew & Agric Products company LTD wey dey Mim, Ahafo.[17]

Tourism

edit

Tourist Attractions wey dey Ahafo Region be:

  • Mim Bour wey dey Mim, Ahafo[18][19]
  • Mim Lake sanso dey Mim, Ahafo
  • De White-necked Rockfowl conservation wey dey Asumura
  • Okomfo Anokye tree wey dey Sankore

Geography den climate

edit

Location den size

edit

De Ahafo Region be bordered for de north by de Bono region, de east by Ashanti Region, de west by de Bono Region, de south by de Western North Region den e get up to 6 districts.

Climate den vegetation

edit

De Ahafo Region be part of de forest belt for Ghana den e get vegetation wey dey consist predominantly of fertile soil, grassland, especially savanna wid clusters of drought-resistant trees such as baobabs or acacias. Between December den April be de dry season for de area. De wet season be between about July den November wid ein average annual rainfall be 750 to 1050 mm (30 to 40 inches). De highest temperatures dey reached at de end of de dry season, dema lowest be December den January. However, dema hot Harmattan wind from de Sahara blows frequently between December den de beginning of February. De temperatures dey vary between 14 °C (59 °F) for night den 40 °C (104 °F) during de day.

References

edit
  1. ↑ "Commission of enquiry on creation of new regions commences work - Ghana News". Ghana News. 2017-11-21. Retrieved 2017-12-12.
  2. ↑ "CREATION OF NEW ADMINISTRATIVE REGIONS—COUNCIL OF STATE RECOMMENDS COMMISSION OF ENQUIRY - Government of Ghana". www.ghana.gov.gh. Archived from the original on 2019-09-24. Retrieved 2017-12-12.
  3. ↑ "2nd Ministerial list out: Akufo-Addo creates new ministries, re-aligns old". myjoyonline.com. myjoyonline. Archived from the original on 31 July 2017. Retrieved 22 June 2017.
  4. ↑ "2nd Ministerial list out: Akufo-Addo creates new ministries, re-aligns old". MyJoyonline. Archived from the original on 31 July 2017. Retrieved 22 June 2017.
  5. ↑ "Council of State met 36 times on new Regions - Nana Otuo Siriboe II". GhanaCrusader.com - Latest News in Ghana and Beyond. 2017-08-16. Archived from the original on 2017-12-12. Retrieved 2017-12-12.
  6. ↑ 6.0 6.1 ""Creation Of New Region In Your Hands" – President Akufo-Addo To Nayiri – The Presidency, Republic of Ghana". presidency.gov.gh. Archived from the original on 2017-12-11. Retrieved 2017-12-12.
  7. ↑ "Ghana Districts - Ahafo". GhanaDistricts.com. Ministry of Local Government and Rural Development. Archived from the original on 17 June 2019. Retrieved 10 March 2019.
  8. ↑ Brong-Ahafo Region. Geohive.com.
  9. ↑ "Referendum: Massive YES votes for 6 new regions | General News 2018-12-28". www.ghanaweb.com. 28 December 2018. Retrieved 2019-01-02.
  10. ↑ "Referendum: 6 new regions get massive 'YES' votes". www.pulse.com.gh. 2018-12-28. Retrieved 2019-01-02.
  11. ↑ "All six proposed regions meet constitutional threshold requirements – EC". Ghana Business News. 29 December 2018.
  12. ↑ Zurek, Kweku. "CONFIRMED: Results of the 2018 Referendum on new regions". Graphic Online. Retrieved 2019-01-02.
  13. ↑ "Trade Minister inaugurates 5-member-board of revitalised Ayum Forest Product Ltd - MyJoyOnline.com". www.myjoyonline.com. 2020-09-14. Retrieved 2023-10-04.
  14. ↑ "Ghana Import Export Data". www.thetradevision.com Retrieved 2023-10-04.
  15. ↑ Nartey, Laud (24 November 2020). "Rising youth population means more job opportunities should be created – Bawumia". 3news. Retrieved 5 October 2023.
  16. ↑ Segbefia, Sedem (2021-08-02). "GCX targets 20,000MT raw cashew for auction next season". The Business & Financial Times. Retrieved 2023-10-05.
  17. ↑ "Mim Cashew implementing new strategies to revamp operations". BusinessGhana. Retrieved 2023-10-05.
  18. ↑ Ghana, Destination (2022-12-29). "Top 10 Tourist Sites in the Brong Ahafo Region of Ghana". Destination Ghana. Retrieved 2023-10-06.
  19. ↑ "Tourist Sites & Attractions in Ghana by Region - Myshsrank". myshsrank.com. Retrieved 2023-10-06.
Dem retrieve am from "https://gpe.wikipedia.org/w/index.php?title=Ahafo_Region&oldid=38455"